ဘုရားကျောင်းထဲကခုန်ချီးမွမ်းတာအပြစ်လား?
၁။ကခုန်ချီးမွမ်းခြင်းကအပြစ်မဟုတ်ဘူး၊ဒါပေမဲ့ချီးမွမ်းကိုးကွယ်ခြင်းစိတ်မပါဘဲစိတ်အာသာဖြေဖို့ကခုန်နေတာမျိုးကအပြစ်ဖြစ်ပါတယ်။
၂။ကခုန်ချီးမွမ်းခြင်းကအပြစ်မဟုတ်ဘူး၊ဒါပေမဲ့စည်းမဲ့ကမ်းမဲ့၊ဖရိုဖလဲ၊အတိုအပြတ်နဲ့လောကီဆန်ဆန်ကခုန်တာမျိုးကအပြစ်ဖြစ်ပါတယ်။
၃။ကခုန်ချီးမွမ်းခြင်းကအပြစ်မဟုတ်ဘူး၊ဒါပေမဲ့မီးပိတ်ပြီးအမှောင်ထဲကခုန်တာမျိုးကစာတန်အကြိုက်မို့အပြစ်ဖြစ်စေပါတယ်။
၄။ကခုန်ချီးမွမ်းခြင်းကအပြစ်မဟုတ်ဘူး၊ဒါပေမဲ့နိုက်ကလပ်လိုရောင်စုံမီးရောင်တွေဖွင့်ပြီးလောကီရေစီးကြောင်းအတိုင်းလိုက်လုပ်ပြီးကခုန်တာမျိုးကအပြစ်ဖြစ်စေပါတယ်။
၅။ကခုန်ချီးမွမ်းခြင်းကအပြစ်မဟုတ်ဘူး၊ဒါပေမဲ့လဲအကြောစွဲသလိုလိုလူးလိမ့်နေကြပြီး၊ဝိညာဥ်တော်တို့ထိလို့ဆိုပြီးကျား/မ(မရွေး)လုံးထွေးနေတာမျိုးကအပြစ်ဖြစ်စေပါတယ်။
၆။ကခုန်ချီးမွမ်းခြင်းကအပြစ်မဟုတ်ဘူး၊ဒါပေမဲ့နားမလည်နိုင်တဲ့အပါရှာလာလာလာတွေဆက်တိုက်အော်ဟစ်ပြီးကခုန်နေတာမျိုးကသူတပါးကိုထိမိလဲကျစေနိုင်ပါတယ်။
၇။ကခုန်ချီးမွမ်းခြင်းကအပြစ်မဟုတ်ဘူး၊ဒါပေမဲ့ဆန်းဒေးဝေါရှစ်ရောက်မှသာဟန်ဆောင်ကခုန်ချီးမွမ်းပြပြီး၊ကျန်တဲ့ချိန်မှာအပြစ်ဘဲဆက်လုပ်နေရင်ဒီလိုလူဟာငရဲနှစ်ဆကျသင့်သူပါ။
၈။ကခုန်ချီးမွမ်းခြင်းကအပြစ်မဟုတ်ဘူး၊ဒါပေမဲ့အခြောက်လိုဝတ်ဆင်ပြီး(ယောကျာ်းကမိန်းမအင်္ကျီဝတ်၊မိန်းမကယောကျာ်းအင်္ကျီဝတ်ပြီးကခုန်တာမျိုး၊ဟာသလုပ်တာမျိုး)ဟာဘုရားသခင်ရွံမုန်းတဲ့အရာပါ။
ဒါဆိုရင်
လူငယ်တွေဘုရားကျောင်းမှာကခုန်ချီးမွမ်း နေတာမကြိုက်ရင်၊နိုက်ကလပ်မှာသွားပြီးကခုန်နေကြမှာပေါ့လို့မေးကောင်းမေးနိုင်မယ်။
အဖြေကပြောပြီးပါပြီ၊ချီးမွမ်းကခုန်တိုင်းအပြစ်မဟုတ်ပါဘူး၊သမ္မာကျမ်းစာထဲမှာဆိုရင်လဲကခုန်ချီးမွမ်းတာမျိုးမှတ်သားထားပါတယ်။
၁။ပရောဖက်မမိရိအံကခုန်ချီးမွမ်း(ထွက်၁၅:၂၀)
၂။ဒါဝိဒ်ကခုန်ချီးမွမ်း(၂ရာ၆:၁၆)
၃။ကခုန်ပြီးချီးမွမ်းလို့ရ(ဆာလံ၃၀:၁၁၊၁၄၉:၃၊၁၅၀:၄)
ဒါပေမဲ့အပြင်လောကဆန်ဆန်စည်းလွတ်ဝါးလွတ်လုပ်လို့မရပါဘူး(အထူးသဖြင့်ဘုရားကျောင်းအတွင်း)၊အကယ်၍လူငယ်တွေကိုဘုရားကျောင်းလာစေချင်လို့လုပ်တယ်ဆိုရင်သူ့စည်းကမ်းနဲ့သူထိန်း²သိမ်း²လုပ်ရပါမယ်။ဒီလိုမဟုတ်ဘဲဘုရားကျောင်းရောက်ရင်ပြီးရောဆိုရင်…
လူငယ်တွေအရက်ဆိုင်မှာမထိုင်ဘဲဘုရားကျောင်းမှာအရက်ယူလာသောက်တာကိုအားပေးရမှာလား?
လူငယ်တွေဂိမ်းဆိုင်မှာဂိမ်းမဆော့ဘဲဘုရားကျောင်းမှာဖုန်းနဲ့ဂိမ်းလာခိုးဆော့တာကိုအားပေးနေရမှာလား?
လူငယ်တွေနိုက်ကလပ်မှာရူးရူးမူးမူးမကခုန်ဘဲ၊ဘုရားကျောင်းမှာစည်းလွတ်ဝါးလွတ်ကခုန်တာကိုအားပေးရမှာလား?
မရပါ။
ဘုရားသခင်ကိုသင်စိတ်ကြိုက်ကိုးကွယ်ချင်သလိုစည်းလွတ်ဝါးလွတ်ကိုးကွယ်လို့မရပါဘူး၊သမ္မာကျမ်းစာအတိုင်းနာခံကိုးကွယ်ရပါတယ်။ ဆိုတော့ ဘုရားကျောင်းထဲစည်းကမ်းတကျကခုန်ချီးမွမ်းလို့မရဘူးဆိုတာမျိုးကအစွန်းရောက်သလို၊စည်းမဲ့ကမ်းမဲ့ကခုန်နေတာမျိုးကလဲအစွန်းရောက်ပါတယ်။
အတူတကွစဉ်းစားဆင်ခြင်ကြပါစို့။
ဝိညာဉ်တော်အလင်းပေးပါစေ၊အာမင်။
ယော၄:၂၄ဘုရားသခင်သည် နာမ်ဝိညာဉ်ဖြစ်တော်မူ၏။ ဘုရားသခင်ကို ကိုးကွယ်သောသူတို့သည်၊ နာမ်ဝိညာဉ်နှင့်လည်းကောင်း၊ သစ္စာနှင့်လည်းကောင်း ကိုးကွယ်ရမည်ဟု မိန့်တော်မူ၏။
၁ကော၁၄:၄၀ခပ်သိမ်းသောအမှုကို တင့်တယ်လျောက်ပတ်စွာ အစဉ်အတိုင်း(စည်းကမ်းတကျ)စီရင်ကြလော့။