ကျေးဇူးတော်ချီးမွမ်းခြင်းအကြောင်းရင်း(၁၀)ချက်
နိဒါန်း
တစ်လုပ်စားဖူးသူ့ကျေးဇူးဆိုပြီးလူလူချင်းကျေးဇူးတုန့်ပြန်သောအနေနဲ့ပြုလုပ်တာကိုကျေးဇူးဆပ်ခြင်းလို့ခေါ်ပါတယ်။ဘုရားသခင်ပြုပေးခဲ့တာတွေကိုပြန်လည်ရေတွက်ပြီးချီးမွမ်းခြင်းယဇ်ပူဇော်တာကတော့ယုံကြည်သူတွေရဲ့ကျေးဇူးတော်ချီးမွမ်းခြင်းဘဲဖြစ်ပါတယ်။သမ္မာကျမ်းစာမှာကျေးဇူးတော်ချီးမွမ်းခြင်းအကြောင်းရင်းနဲ့ပတ်သက်ပြီးအများအပြားဖော်ပြထားတဲ့အထဲကနေအဓိကအချက်(၁၀)ချက်ကိုအတူတကွခွန်အားယူကြပါမယ်။
၁။အပြစ်ရဲ့ကျေးကျွန်မှလွတ်မြောက်ပြီးဖြောင့်မတ်သူဖြစ်ခွင့်ရလို့ပါ။
ရောမ၆:၁၇-၁၈သင်တို့သည် အပြစ်တရား၏ ကျွန်ဖြစ်ဖူးသော်လည်း၊ ယခုတွင်ခံခဲ့ပြီးသော ဩဝါဒနည်းဥပဒေသစကားကို စေတနာစိတ်နှင့် နားထောင်ကြသည်ဖြစ်၍၊ ဘုရားသခင်၏ကျေးဇူးတော် ကြီးလှပေ၏။- သင်တို့သည် အပြစ်တရား၏လက်မှ လွတ်ကြပြီဖြစ်၍၊ ဖြောင့်မတ်ခြင်းတရား၏ ကျွန်ဖြစ်ကြ၏။
၂။ခရစ်တော်အားဖြင့်ဇာတိသဘောကိုအမြဲအောင်နိုင်ပြီးအသက်တာသန့်ရှင်းနိုင်ခဲ့လို့။
ရောမ၇:၂၅ငါတို့သခင် ယေရှုခရစ်အားဖြင့် ကယ်လွှတ်တော်မူသော ဘုရားသခင်၏ကျေးဇူးတော် ကြီးလှပေ၏။ ထိုသို့ စိတ်ဝိညာဉ်အားဖြင့် ဘုရားသခင်၏ တရားတော်အလိုသို့လည်းကောင်း၊ ဇာတိပကတိအားဖြင့် အပြစ်တရားအလိုသို့လည်းကောင်း၊ ငါလိုက်တတ်၏။
၃။ခရစ်တော်အားဖြင့်သေခြင်းကိုအောင်မြင်ခွင့်ရလို့ပါ။
၁ကော၁၅:၅၆-၅၇သေမင်း၏လက်နက်ကား၊ ဒုစရိုက်အပြစ်ပေတည်း။ ဒုစရိုက်အပြစ်၏ တန်ခိုးကား၊ ပညတ်တရား ပေတည်း။ငါတို့သခင် ယေရှုခရစ်အားဖြင့် ငါတို့အား အောင်ခြင်းအခွင့်ကို ပေးတော်မူသော ဘုရားသခင်၏ ကျေးဇူးတော်သည် ကြီးလှစွတကား။
၄။အသက်တာမှာလက်တွေ့သက်သေရလို့ပါ။
ယောဘဝတ္တု၄၂:၅သတင်းတော်ကို အကျွန်ုပ်သည်နားနှင့် ကြားဖူးပါပြီ။ ယခုမူကား၊ ကိုယ်တော်ကို မျက်စိနှင့် မြင်ရပါ၏။
၅။ထာဝရကောင်းကင်နိုင်ငံတော်ကို ရထားလို့ပါ။
ဟေဗြဲ၁၂:၂၈ထိုကြောင့်၊ ငါတို့သည် မလှုပ်နိုင်သောနိုင်ငံကို ရသည်ဖြစ်၍၊ ခန့်ညားကြောက်ရွံ့သောသဘောနှင့် ဘုရားသခင်ကို လျောက်ပတ်စွာ ဝတ်ပြုနိုင်မည်အကြောင်း၊ ကျေးဇူးတော်ကို စွဲလမ်းကြကုန်အံ့။
၆။အနာရောဂါမှသက်သာအောင်ကုသပေးလို့ပါ။
ဆာလံ၁၀၃း၂-၄ ကျေးဇူးတော်အပေါင်းကို မမေ့လျော့နှင့်။သင်၏အပြစ်အလုံးစုံတို့ကိုဖြေလွှတ်၍၊သင်၏အနာရောဂါ
ရှိသမျှတို့ကိုလည်းပျောက်စေတော်မူ၏။သင်၏အသက်ကိုဖျက်ဆီးခြင်းထဲကရွေး၍ကျေးဇူးတော်၊ကရုဏာတော်များနှင့်သင်၏ခေါင်းကို ပတ်ရစ်တော်မူ၏။ 11-12မြေကြီးပေါ်တွင် ကောင်းကင်အမြင့်ရှိသည် အတိုင်း၊ ထာဝရဘုရားကို ကြောက်ရွံ့သောသူတို့၌ ကရုဏာတော်သည် အားကြီးပေ၏။ အရှေ့မျက်နှာစွန်းသည် အနောက်မျက်နှာစွန်းနှင့် ဝေးသည်အတိုင်း၊ ငါတို့အပြစ်များကို ငါတို့နှင့် ဝေးစေတော်မူ၏။ ‘
၇။ဘုရားသခင်နှစ်သက်တဲ့အလိုတော်ယဇ်မို့ပါ။
ဆာလံ ၅၀:၁၃-၁၅နွားသားကို ငါစားမည်လော။ ဆိတ်သွေးကို ငါသောက်မည်လော။ ကျေးဇူးချီးမွမ်းခြင်းယဇ်ကို ဘုရားသခင်အားပူဇော်လော့။ သစ္စာကတိထားသည်အတိုင်း၊ အမြင့်ဆုံးသောအရာ၌ သစ္စာဝတ်ကိုဖြေလော့။ အမှုရောက်သည်ကာလ၌ ငါ့ကိုပတ္ထနာပြုလော့။ ငါသည် ကယ်လွှတ်မည်။ သင်သည်လည်း ငါ့ကိုချီးမွမ်းလိမ့်မည်ဟု မိန့်တော်မူ၏
၁သက် ၅:၁၈အရာရာ၌ ကျေးဇူးတော်ကို ချီးမွမ်းကြလော့။ အကြောင်းမူကား၊ သင်တို့သည် ထိုသို့ကျင့်စေခြင်းငှာ၊ ယေရှုခရစ်၌ ဘုရားသခင်အလိုတော်ရှိ၏။
၈။အခြေနေတိုင်းပေါ်ရောင့်ရဲတင်းတိမ်နိုင်စေလို့ပါ။
ဆာလံ၁၀၃း၂-၄ကျေးဇူးတော်အပေါင်းကိုမမေ့လျော့နှင့်။ သင့်ကို အသက်ကြီးစဉ်၊ ကောင်းသောအရာ နှင့် ရောင့်ရဲစေတော်မူသဖြင့်၊သင်၏အရွယ်သည်ရွှေလင်းတ၏အရွယ်ကဲ့သို့ ပြုပြင်ခြင်းရှိ၏။
ဖိလိပ္ပိဩဝါဒစာ ၄:၁၁-၁၂ထိုသို့ငါဆိုသော်၊ ကိုယ်တိုင်ဆင်းရဲခြင်းကို ရည်မှတ်၍ ဆိုသည်မဟုတ်။ အကြောင်းမူကား၊ ငါသည် တွေ့ကြုံသမျှသော အခြင်းအရာတို့၌ ရောင့်ရဲသောစိတ် ရှိအံ့သောငှာ သင်မိပြီ။- ရှုတ်ချခြင်းကိုလည်းကောင်း၊ ကြွယ်ဝခြင်းကိုလည်းကောင်း၊ ခံတတ်၏။ ဝစွာစားခြင်း၊ မွတ်သိပ်ခြင်း၊ စည်းစိမ်ရှိခြင်း၊ ဆင်းရဲခြင်းတို့ကို ခံရအံ့သောငှာ၊ အရပ်ရပ်တို့တွင် အရာရာ၌ သင်မိပြီ။
၉။ဘုရားဘုန်းထင်ရှားပြီးပုံသက်သေဖြစ်စေလို့ပါ။
ဆာ လံ ကျမ်း။ 50:22-23ဘုရားသခင်ကို မေ့လျော့သောသူတို့၊ ဤအမှုကို ဆင်ခြင်ကြလော့။ သို့မဟုတ် သင်တို့ကို ကယ်နုတ်သောသူမရှိ။ ငါသည် အပိုင်းပိုင်းဆွဲဖြတ်မည်။ ကျေးဇူးချီးမွမ်းခြင်းယဇ်ကိုပူဇော်သောသူသည် ငါ၏ဘုန်းကို ထင်ရှားစေသောသူဖြစ်၏။ မိမိသွားသောလမ်းကို ဆင်ခြင်သောသူအားလည်း၊ ကယ်တင်တော်မူခြင်းကျေးဇူးကို ငါပြမည်ဟု ဘုရားသခင်မိန့်တော်မူ၏။’
၁၀။ပြောလို့မကုန်နိုင်တဲ့ဆုကျေးဇူးရှိနေလို့ပါ။
၂ကော၉:၁၅ပြော၍မကုန်နိုင်သော ဘုရားသခင်၏ ဆုကျေးဇူးတော်ကို အောက်မေ့၍ ချီးမွမ်းခြင်းရှိစေသတည်း။