သမ္မာကျမ်းစာထဲကနှစ်သစ်

သမ္မာကျမ်းစာထဲကနှစ်သစ်

သမ္မာကျမ်းစာထဲမှာနှစ်သစ်(နှစ်ဆန်းတစ်ရက်နေ့)နဲ့ပတ်သက်ပြီး၄နေရာဖော်ပြထားတာလေ့လာတွေ့ရှိရပါတယ်။တခုချင်းလေ့လာရင်းသင်ခန်းစာယူကြရအောင်ပါ။

၁။နောဧသင်္ဘော‌ရေကျခြင်း
ကမ္ဘာ၈:၁၃ နောဧ​အသက်​ခြောက်​ရာ့​တစ်​နှစ်​ပြည့်​သော​နှစ်​၊ ပထမ​လ​၊ တစ်ရက်နေ့​တွင် မြေကြီး​ပေါ်မှာ ရေ​ခန်းခြောက်​လေ​၏​။ နောဧ​သည် သင်္ဘော​အမိုး​ကို​ဖယ်ရှား​၍ ကြည့်ရှု​သောအခါ မြေပြင်​သည် ခြောက်​လျက်​ရှိ​သည်​ကို မြင်​လေ​၏​။(MSBU)
နှစ်သစ်ဆိုတာအသစ်တကြိမ်ပြန်အစပြုဖို့ဘုရားပေးတဲ့ကျေးဇူးတော်အခွင့်အရေးပါ။

၂။တဲတော်တည်ဆောက်ခြင်း
ထွက်၄၀:၁-၂တစ်​ဖန် ထာ​ဝ​ရ​ဘု​ရား​သည်၊ မော​ရှေ​အား​မိန့်​တော်​မူ​သည်​ကား၊ သင်​သည် ပ​ထ​မ​လ၊ ပ​ထ​မ​နေ့၌ ပ​ရိ​သတ်​စည်း​ဝေး​ရာ တဲ​တော်​ကို​ဆောက်​ရ​မည်။
နှစ်သစ်မှာဘုရားသခင်နဲ့သီးသန့်အချိန်ယူဖို့တည်ဆောက်သွားပါ။ဘုရားနဲ့အမြဲမိသဟာယရှိ‌နေဖို့၊ကိုးကွယ်တဲ့အသက်တာရှိ‌နေဖို့ဖြစ်ရပါမယ်။

၃။ဟေဇကိမင်းဗိမာန်တော်ကိုသန့်ရှင်းခြင်း
၂ရာဇဝင်ချုပ်၂၉:၁၇ ပ​ထ​မ​လ​တစ်​ရက်​နေ့​တွင် သန့်​ရှင်း​စ​ပြု၍၊ ရှစ်​ရက်​နေ့​တွင် ဗိ​မာန်​တော်​ဦး​သို့​ရောက်​ကြ၏။ ထို​နောက် ရှစ်​ရက်​ပတ်​လုံး၊ ဗိ​မာန်​တော်​ကို​သန့်​ရှင်း​စေ၍ ပ​ထ​မ​လ တစ်​ဆယ်​ခြောက်​ရက်​နေ့​တွင် လက်​စ​သတ်​ကြ၏။
နှစ်သစ်မှာကျွန်တော်တို့တတွေရဲ့နှလုံးသားဗိမာန်တော်ကိုသန့်ရှင်းစင်ကြယ်စေပြီး၊တနှစ်လုံးဘုရားကောင်းချီးခံယူရအောင်ပါ။

၄။ဧဇရမှ‌ဂျေရုစလင်သို့သွားခြင်း
ဧဇရမှတ်စာ၇:၉ ပ​ထ​မ​လ တစ်​ရက်​နေ့​တွင်၊ ဗာ​ဗု​လုန်​မြို့​မှ​ထွက်၍၊ ပ​ဥ္စ​မ​လ တစ်​ရက်​နေ့​တွင်၊ မိ​မိ​ဘု​ရား​သ​ခင် တန်​ခိုး​ကျေး​ဇူး​တော်​ကြောင့်၊ ယေ​ရု​ရှ​လင်​မြို့​သို့ ရောက်​လေ၏။ အ​ကြောင်း​မူ​ကား၊ ဧ​ဇ​ရ​သည် ထာ​ဝ​ရ​ဘု​ရား၏ တ​ရား​တော်​ကို စစ်​ဆေး စောင့်​ရှောက်​ခြင်း​ငှာ​လည်း​ကောင်း၊ စီ​ရင်​ထုံး​ဖွဲ့​တော်​မူ​ချက်​တို့​ကို ဣ​သ​ရေ​လ​အ​မျိုး၌ သွန်​သင်​ခြင်း​ငှာ​လည်း​ကောင်း သ​ဘော​ကျ​သော​သူ​ဖြစ်၏။
နှစ်သစ်မှာဧဇရလို နောင်တရဝန်ချပြီး၊ဘုရားသခင်ရဲ့စကားတော်တွေကိုကိုယ်တိုင်ခံယူသည်သာမက၊အခြားသူတွေကိုပါပြန်လည်ဝေမျှပေးတတ်ဖို့လိုပါတယ်။