ယုံကြည်သူမပူမအေးလက္ခဏာ(၁၀)မျိုး
၁။မပူမအေးတဲ့ယုံကြည်သူတွေကဘုရားကိုယုံကြည်ကြပြီးပုံမှန်ဝတ်ပြုပါဝင်တတ်ကြပေမယ့်၊လက်တွေ့မှာဘုရားနဲ့မသွားလာဘဲလောကအရာတွေကိုသာဦးထိပ်ထားနေတတ်သူပါ။(ဟေရှာ၂၉:၁၃)
၂။မပူမအေးတဲ့ယုံကြည်သူတွေကလူတွေကိုကိုယ်နှင့်အမျှချစ်တတ်ကြပေမယ့်၊ကိုယ်နဲ့တည့်တဲ့သူ၊ချစ်စရာကောင်းတဲ့သူကိုသာချစ်နေတတ်ကြပြီးမိမိနဲ့မတည့်သူချစ်စရာမကောင်းသူတွေကိုတော့ဥပေက္ခာပြုထားကြသူပါ။(မဿဲ၅:၄၃-၄၄)
၃။မပူမအေးတဲ့ယုံကြည်သူတွေကလုပ်သင့်တဲ့ဘုရားတရားကိစ္စနဲ့လုပ်ချင်တဲ့လောကအရာထပ်နေတဲ့အခါ၊လောကအရာကိုသာဦးစားပေးတတ်သူပါ။ဒီလိုလုပ်တာကိုလည်းအခြားသူတွေမပြောအောင်ဝိညာဉ်လူဆန်ဆန်နေပြတတ်သူပါ။(လုကာ၆:၂၆)
၄။မပူမအေးတဲ့ယုံကြည်သူတွေကတရားဟောချက်ကိုနားထောင်ရတာအင်မတန်နှစ်သက်ကြပေမယ့်၊နားထောင်ထားတဲ့အတိုင်းမလိုက်လျှောက်သူပါ။(ယာကုပ်၁:၂၂)
၅။မပူမအေးတဲ့ယုံကြည်သူတွေကမိမိခင်မင်ရင်းနှီးတဲ့သူငယ်ချင်းနဲ့ဘေးပတ်ဝန်းကျင်ကိုဧဝံဂေလိမပြောချင်ကြပါဘူး၊ဧဝံဂေလိပြောလိုက်လို့ခင်မင်မှုပျက်မှာပိုစိုးရိမ်ကြသူပါ။(မဿဲ၁၀:၃၂-၃၃)
၆။မပူမအေးတဲ့ယုံကြည်သူတွေကလောကစံချိန်နဲ့လိုက်ပြီးမှန်မှန်ကန်ကန်အသက်ရှင်တတ်ကြပေမယ့်၊သမ္မာတရားစံချိန်မှာတော့မသိမသာကျရှုံးနေကြသူပါ။(လုကာ၁၀:၃၁-၃၂)
၇။မပူမအေးတဲ့ယုံကြည်သူတွေကခရစ်တော်ကိုနှလုံးသားထဲနေရာပေးထားကြပေမယ့်၊ဘုရင်နေရာမပေးဘဲဧည့်သည်နေရာပေးထားပြီးအစစအရာရာမိမိကိုယ်တိုင်စီမံခန့်ခွဲနေကြသူပါ။(လုကာ၉:၅၇-၆၂)
၈။မပူမအေးတဲ့ယုံကြည်သူတွေကခရစ်တော်နောက်လိုက်ကြပြီးသူတပါးကိုလည်းလိုက်ဖို့ခေါ်တတ်ကြပေမယ့်၊ရည်ရွယ်ချက်ကကျမ်းမာချမ်းသာဖို့အတွက်နဲ့ငွေချမ်းသာသူတွေကိုသာတွဲခေါ်တတ်ကြသူပါ။(မဿဲ၂၅:၄၀)
၉။မပူမအေးတဲ့ယုံကြည်သူတွေကစီးပွားရေးအဆင်ပြေဝင်ငွေပိုရင်အင်မတန်ပေးလှူတတ်ပေမယ့်၊ဝင်ငွေအပိုမရှိရင်မပေးလှူဘဲနေတတ်သူပါ။(လုကာ၂၁:၁-၄)
၁၀။မပူမအေးတဲ့ယုံကြည်သူတွေကမိမိရဲ့ချမ်းသာကြွယ်ဝနေမှုအပေါ်အမြဲကျေးဇူးတော်ချီးမွမ်းနေတတ်ကြပေမယ့်၊ဆင်းရဲသားတွေကိုကြည့်ရှုကြွေးမွေးဖို့တော့မေ့နေကြသူပါ။(သုတ္တံ၁၉:၁၇)
အဓိကကျမ်းချက်
（သင်၏အကျင့်ကို ငါသိ၏။ သင်သည် အဧမဟုတ်၊ အပူမဟုတ်သည်ကို ငါသိ၏။ ဧခြင်းဖြစ်စေ၊ ပူခြင်းဖြစ်စေ၊ တစ်ခုခုကို ငါအလိုရှိ၏။ထိုသို့ အဧမဟုတ်၊ အပူမဟုတ်၊ နွေးရုံရှိသောကြောင့် ငါ၏ခံတွင်းသည် သင့်ကိုထွေးလုပြီ။ဗျာ3:15-16 ）