စီရင်ခြင်း(၅)မျိုး

စီရင်ခြင်း(၅)မျိုး

၁။ခရစ်တော်၏တရားပလ္လင်မှာစီရင်ခြင်း
၁သက်၄:၁၇အရယုံကြည်သူ‌တွေအရင်ရှင်ပြန်ထမြောက်ပြီးအာကာသမှာစီရင်ခံမှာပါ။ဒီနေရာမှာကယုံကြည်သူတွေအသက်ရှင်ခဲ့တဲ့လုပ်ရပ်သီးသန့်စီရင်ခံရမှာဖြစ်ပါတယ်။ကယ်တင်ခြင်းရတဲ့သူများကိုသာစီရင်တဲ့အတွက်၊(ရောမ၈:၁အရ)အပြစ်ပေးခြင်းနဲ့ကယ်တင်ခြင်းရမရစီရင်တာမဟုတ်ပါဘူး၊ဆု‌ပေးခြင်းသာဖြစ်ပါတယ်။ဒါ‌ကြောင့်သရဖူရမရကဒီစီရင်ခြင်းမှာခွဲသွားမှာပါ။
၂ကော၅:၁၀အ​ကြောင်း​မူ​ကား၊ ငါ​တို့​ရှိ​သ​မျှ​သည် ကိုယ်​ခ​န္ဓာ၌​ကျင့်​သော​အ​ကျင့်၊ ကောင်း​မ​ကောင်း​ရှိ​သည်​အ​တိုင်း အ​ကျိုး​အ​ပြစ်​ကို အ​သီး​အ​သီး​ခံ​ခြင်း​ငှာ၊ ခ​ရစ်​တော်၏ တ​ရား​ပ​လ္လင်​ရှေ့၌ ပေါ်​လာ​ရ​ကြ​မည်။
(အခြားကျမ်းညွန်း-၁ကော၃:၁၁-၁၅၊‌ ရောမ၁၄:၁၀-၁၂၊၁‌ ပေ၄:၁၇ဖတ်ရန်)

၂။ဣသရေလလူမျိုးကိုစီရင်ခြင်း
ဂျူးဖြစ်တဲ့ဣသရေလလူမျိုးအားလုံးခရစ်တော်ကိုမေရှိယအဖြစ်ယုံကြည်စေဖို့စီရင်ခြင်းပါ။ရောမ၉:၂၇အရဣသရေလတနိုင်ငံလုံးမဟုတ်ဘဲကျန်ရစ်‌နေတဲ့သုံးပုံတပုံသာဖြစ်ပါမယ်(ဇာခရိ၁၃:၇-၉)။
ရောမ၁၁:၂၆ထို​သို့ကျမ်း​စာ​နှင့်​အ​ညီ၊ ဣ​သ​ရေ​လ​လူ​အ​ပေါင်း​တို့​သည် ကယ်​တင်​ခြင်း​သို့ ရောက်​ကြ​လိမ့်​မည်။ ကျမ်း​စာ​ချက်​ဟူ​မူ​ကား၊ ကယ်​လွှတ်​သော​သ​ခင်​သည် ဇိ​အုန်​တောင်၌ ပေါ်​ထွန်း၍၊ မ​တ​ရား​သော​အ​မှု​ကို ယာ​ကုပ်​အ​မျိုး​သား​တို့​မှ လွှဲ​တော်​မူ​လ​တ္တံ့။
(အခြားကျမ်းညွန်း-ဟေရှာ၁:2၅-၂၈၊ယေဇကျေလ၂၀:၂၄၊မာလခိ၄:၂၊လုကာ၁၉:၂၇၊မဿဲ၈:၁၂)။

၃။လူသားအားလုံးကိုစီရင်ခြင်း
သိုးနဲ့ဆိတ်ခွဲတဲ့စီရင်ခြင်းပါ။နဂိုကယုံကြည်သူမဟုတ်ဘဲဘေးဒဏ်ကြီးကာလမှနောင်တရပြီး၊ဘုရားသခင်ရဲ့လူဖြစ်တဲ့ကျန်ရစ်နေတဲ့ဂျူးတွေကိုဘယ်လိုကူညီခဲ့ကြောင်းစီရင်မှာပါ။နောင်တရပြီးကူညီခဲ့သူကသိုး(ကယ်တင်ခြင်းရသူများ)ဖြစ်ပြီး၊နောင်တမရမကူညီခဲ့သူကဆိတ်(ကယ်တင်ခြင်းမရသူများ)ဖြစ်ပါတယ်။ဒီ‌နေရာမှာသတိထားရမှာကယုံကြည်ရုံနဲ့သာမရတော့ဘဲမိမိရဲ့အကျင့်အားဖြင့်ကယ်တင်ခြင်းရမရစီရင်တာပါ။(သိုးနဲ့ဆိတ်ဟာပုံဆောင်မှုသာဖြစ်ပါတယ်။)
မဿဲ၂၅:၃၁-၄၆လူ​သား​သည် မိ​မိ​ဘုန်း​အာ​နု​ဘော်​ကို ဆောင်​လျက်၊ သန့်​ရှင်း​သော ကောင်း​ကင်​တ​မန်​များ အ​ခြံ​အ​ရံ​တို့​နှင့်​တ​ကွ ကြွ​လာ​တော်​မူ​သော​အ​ခါ ဘုန်း​ရှိ​သော ပ​လ္လင်​တော်​ပေါ်​မှာ ထိုင်၍၊- ရှေ့​တော်၌ လူ​မျိုး​အ​ပေါင်း​တို့​ကို စု​ဝေး​စေ​သ​ဖြင့်၊ သိုး​ထိန်း​သည် သိုး​နှင့် ဆိတ်​တို့​ကို တ​ခြား​စီ​ခွဲ​ထား​သ​ကဲ့​သို့၊ လူ​အ​ပေါင်း​တို့​ကို အ​သီး​အ​ခြား​ခွဲ၍၊- သိုး​တို့​ကို လက်​ယာ​တော်​ဘက်၊ ဆိတ်​တို့​ကို လက်​ဝဲ​တော်​ဘက်၌ ထား​တော်​မူ​လ​တ္တံ့။

၄။ကောင်းကင်တမန်ကိုစီရင်ခြင်း
အပေါ်ကစီရင်ခြင်းတွေပြီးရင်လူမဟုတ်တဲ့ဖောက်ပြန်တဲ့ကောင်းကင်တမန်တွေကိုစီရင်မှာဖြစ်ပါတယ်။၂ပေ၂:၄အရအမှောင်ငရဲမှာချီနှောင်ထားတဲ့ကောင်းကင်တမန်တွေကိုစီရင်ပြီးစာတန်နဲ့အတူမီးအိုင်ထဲပစ်ထည့်မှာပါ（ဗျာ၂၀:၁၀)။ထူးခြားတာကဒီစီရင်ခြင်းမှာယုံကြည်သူကခရစ် တော်နဲ့အတူတရားသူကြီးနေရာပါဝင်ကြရမှာပါ(၁ကော၆:၃)။
ရှင်ယုဒ၁:၆ထို​မှ​တစ်​ပါး၊ မိ​မိ​တို့​အ​ခွင့်​အ​ရာ​ကို မ​စောင့်၊ မိ​မိ​တို့ နေ​ရာ​အ​ရပ်​ကို စွန့်​ပစ်​သော ကောင်း​ကင်​တ​မန်​တို့​ကို၊ ကြီး​စွာ​သော​နေ့၌ စစ်​ကြော​စီ​ရင်​ခြင်း​အ​လို​ငှာ၊ ထာ​ဝ​ရ​ချည်​နှောင်​ခြင်း​အား​ဖြင့် မှောင်​မိုက်​ထဲ​မှာ ချုပ်​ထား​တော်​မူ၏။

၅။ပလ္လင်ဖြူရှေ့စီရင်ခြင်း
ဒုတိယအကြိမ်ရှင်ပြန်ထမြောက်တဲ့မယုံကြည်သူများ၊ကမ္ဘာဦးစမှသေပြီးခဲ့တဲ့မယုံကြည်သူမှန်သမျှ(အသက်ရှင်နေတဲ့မယုံကြည်များမပါ၊သေပြီးတဲ့ယုံကြည်သူများလည်းမပါ၊ဗျာ၂၀:၆)၊သေပြီးတဲ့မယုံကြည်သူသီးသန့်ကိုစီရင်တဲ့နောက်ဆုံးသောစီရင်ခြင်းတခုပါ။အသက်စာစောင်နဲ့စံချိန်ထားပြီးအဲ့ထဲမှာနာမည်မပါတဲ့သူတိုင်း၊မိမိရဲ့လုပ်ရပ်(အခြားသောစာစောင်)အရငရဲမီးအိုင်ထဲပစ်ချခံကြရမှာပါ(ဗျာ၂၀:၁၅)။
ဗျာ၂၀:၁၁-၁၅တစ်​ဖန်​တုံ၊ ဖြူ​သော​ပ​လ္လင်​ကြီး​ကို​လည်း​ကောင်း၊ ပ​လ္လင်​ပေါ်​မှာ ထိုင်​တော်​မူ​သော​သူ​ကို​လည်း​ကောင်း ငါ​မြင်၏။ ကောင်း​ကင်​နှင့် မြေ​ကြီး​သည် မျက်​နှာ​တော်​ရှေ့​မှ ပြေး​လွင့်၍ သူ​တို့ နေ​စ​ရာ​အ​ရပ်​မ​ရှိ။- သေ​လွန်​သော​သူ အ​ကြီး​အ​ငယ်​တို့​သည် ပ​လ္လင်​တော်​ရှေ့​မှာ ရပ်​န​ကြ​သည်​ကို ငါ​မြင်၏။ စာ​စောင်​များ​ကို ဖွင့်​ထား၏။ အ​သက်​စာ​စောင်​တည်း​ဟူ​သော အ​ခြား​တစ်​ပါး​သော စာ​စောင်​ကို​လည်း ဖွင့်​လေ၏။ သေ​လွန်​သော​သူ​တို့​သည် မိ​မိ​တို့​အ​ကျင့်​အ​တိုင်း၊ စာ​စောင်​တို့၌ ရေး​ထား​ချက်​များ​နှင့်​အ​ညီ တ​ရား​စီ​ရင်​ခြင်း​ကို ခံ​ရ​ကြ၏။

စာကြွင်း
တချို့ကနောက်ထပ်နှစ်မျိုးပါဝင်ပြီးစီရင်ခြင်း၇မျိုးလို့ပြောဆိုကြတာလဲရှိပါတယ်။
၁။ကားတိုင်‌ပေါ်ကစီရင်ခံခြင်း
ယုံကြည်သူတိုင်းအတွက်၊မိမိလုပ်ခဲ့တဲ့အပြစ်အားလုံးကိုယေရှုခရစ်တော်မှကားတိုင်‌ပေါ်မှာကိုယ်စားစီရင်ခံပေးခဲ့ခြင်းပါ။
၂။မိမိကိုယ်ကိုစီရင်ခြင်း
ယုံကြည်သူတွေဟာသန့်ရှင်းသောဝိညာဉ်တော်ရဲ့ဖော်ပြမှုအားဖြင့်လက်ရှိအသက်တာမှာမိမိအားနည်းပြီးပြုမိတဲ့အပြစ်အတွက်မိမိကိုယ်ကိုစီရင်ခြင်းပါ။