သမ္မာကျမ်းစာမှပေးသောသတိ(၁၀)ချက်

သမ္မာကျမ်းစာမှပေးသောသတိ(၁၀)ချက်

နိဒါန်း
သတိဆိုတဲ့အဓိပ္ပာယ်ကပြီးခဲ့တဲ့အရာကိုအောက်မေ့မှတ်မိခြင်းဖြစ်ပြီး‌၊ဖြစ်လာမယ့်အရာကိုအာရုံပြုအဆင်သင့်ဖြစ်ခြင်းပါ။သတိရခြင်းဆိုင်ရာမှာချိုမြိန်ခြင်းနဲ့ခါးသီးခြင်းတွေရှိခဲ့တာကိုသင်ခန်းစာယူရမှာဖြစ်သလို၊သတိထားခြင်းဆိုင်ရာမှာလည်းအကောင်းအဆိုး‌ချင့်ချိန်ပြီးသတိထားဆင်ခြင်နေတတ်ရပါတယ်။သမ္မာကျမ်းစာမှာတော့ဖြစ်လာမယ့်အရာပေါ်သတိပြုဖို့သတိ(၁၀)ချက်ပေးထားပါတယ်။တချက်ချင်းကြည့်ရအောင်ပါ။

၁။လွဲမှားတဲ့သြဝါဒကိုသတိပြုပါ။
ကောလောသဲ၂:၈ခ​ရစ်​တော်၏​တ​ရား​ကို မ​လိုက်၊ လူ​အ​ဆက်​ဆက်​ခံ​သော နည်း​ဥ​ပ​ဒေ​သ​နှင့် လော​ကီ​တ​ရား​နု​ကို လိုက်၍၊ လော​ကီ​ပ​ညာ​နှင့် အ​ချည်း​နှီး​သော ပ​ရိ​ယာယ်​အား​ဖြင့် သင်​တို့​ကို အ​ဘယ်​သူ​မျှ မ​လု​ယူ​မ​ဖျက်​ဆီး စေ​ခြင်း​ငှာ သ​တိ​ပြု​ကြ​လော့။(မဿဲ၁၆:၆၊၂၄:၄၊မာကု၈:၁၅၊၁၃:၅၊လုကာ၂၁:၈)

၂။အချိန်မရွေးသေနိုင်တာသတိပြုပါ။
လုကာ၁၂:၁၅ထို​မှ​တစ်​ပါး လော​ဘ​လွန်​ကျူး​ခြင်း​ကို သ​တိ​နှင့် ကြဉ်​ရှောင်​ကြ​လော့။ အ​ကြောင်း​မူ​ကား၊ စည်း​စိမ်​ရှိ​သော်​လည်း စည်း​စိမ်၌ အ​သက်​မ​တည်​ဟု မိန့်​တော်​မူ၏။
၃။သူတပါးထိမိလဲစရာမဖြစ်ဖို့သတိပြုပါ။
၁ကော၈:၉သို့​သော်​လည်း၊ သင်​တို့​အ​ခွင့်​ကို အား​နည်း​သော​သူ​တို့၌ ထိ​မိ၍​လဲ​စ​ရာ​အ​ကြောင်း မ​ဖြစ်​စေ​ခြင်း​ငှာ သ​တိ​ပြု​ကြ​လော့။

၄။ရန်ကိုမတုန့်ပြန်ဖို့သတိပြုပါ။
၁သက်၅:၁၅ သူ​တစ်​ပါး၌ အ​ဘယ်​သူ​မျှ ရန်​တုံ့​မ​မူ​စေ​ခြင်း​ငှာ သ​တိ​ပြု၍၊ အ​ချင်း​ချင်း​တို့၌​လည်း​ကောင်း၊ ခပ်​သိမ်း​သော​သူ​တို့၌ လည်း​ကောင်း၊ ကာ​လ​အ​စဉ်​ကြိုး​စား၍ ကျေး​ဇူး​ပြု​ကြ​လေလော့။
ဂလာတိ၅:၁၅အ​ချင်း​ချင်း​ကိုက်​စား​လျှင် အ​ချင်း​ချင်း ဖျက်​ဆီး​မည်​ဟု စိုး​ရိမ်၍ သ​တိ​ရှိ​ကြ​လော့။(လုကာ၁၇:၃၊

၅။ယုံကြည်သွန်သင်မှုမှာမိမိကိုယ်ကိုဆင်ခြင်သတိပြုပါ။
၁တိ၄:၁၆ကိုယ်​ကို​လည်း​ကောင်း၊ ကိုယ်​ဆုံး​မ​ဩ​ဝါ​ဒ​ကို​လည်း​ကောင်း သ​တိ​ပြု၍ အ​မြဲ​တည်​နေ​လော့။ ထို​သို့​ပြု​လျှင်၊ ကိုယ်​ကို​လည်း​ကောင်း၊ နား​ထောင်​သော သူ​တို့​ကို​လည်း​ကောင်း ကယ်​တင်​လိမ့်​မည်။
(၂တိ၄:၅၊တမန်၂၀:၂၈၊၁ကော၃:၁၀၊၁ကော၁၆:၁၃)

၆။ဘုရားတရားမရိုသေသူမဖြစ်ဖို့သတိပြုပါ။
ဟေဗြဲ၁၂:၁၆ မ​တ​ရား​သော မေ​ထုန်၌​မှီ​ဝဲ​သော​သူ မ​ရှိ​စေ​ခြင်း​ငှာ​လည်း​ကောင်း၊ တစ်​နပ်​စာ​အ​ဖိုး​နှင့် သား​ဦး​အ​ရာ​ကို ရောင်း​သော ဧ​သော​ကဲ့​သို့ ဘု​ရား​တ​ရား​ကို မ​ရို မ​သေ​ပြု​သော​သူ မ​ရှိ​စေ​ခြင်း​ငှာ​လည်း​ကောင်း၊ သ​တိ​နှင့် ကြည့်​ရှု​ကြ​လော့။

၇။တရားစကားကိုမငြင်းမိဖို့သတိပြုပါ။
ဟေဗြဲ၁၂:၂၅သင်​တို့​သည် မိန့်​တော်​မူ​သော​သူ၏ စ​ကား​တော်​ကို မ​ငြင်း​မ​ပယ်​မည်​အ​ကြောင်း သ​တိ​ပြု​ကြ​လော့။ မြေ​ကြီး​ပေါ်​မှာ ဗျာ​ဒိတ်​တော်​ကို ဆင့်​ဆို​သော​သူ၏​စ​ကား​ကို ငြင်း​ပယ်​သော​သူ​တို့​သည် အ​ပြစ်​မ​လွတ်​ရ​သည်​မှန်​လျှင်၊ ထို​မျှ​မ​က၊ ကောင်း​ကင်​ဘုံ​က မိန့်​တော်​မူ​သော​သူ၏ စ​ကား​ကို ငါ​တို့​သည် နား​မ​ထောင်​ဘဲ​နေ​လျှင်၊ သာ၍​ကြီး​စွာ​သော​အ​ပြစ်​နှင့် အ​ဘယ်​သို့ ကင်း​လွတ်​နိုင်​မည်​နည်း။

၈။အမြဲဆုတောင်းတတ်ဖို့သတိရှိပါ။
၁ပေ၄:၇ခပ်​သိမ်း​သော​အ​မှု​အ​ရာ​တို့​သည် အ​ဆုံး​သို့​ရောက်​လု​သည် ဖြစ်​သော​ကြောင့်၊ သ​မ္မာ​သ​တိ​ရှိ​ကြ​လော့။ ဆု​တောင်း​ခြင်း​အ​လို​ငှာ စောင့်​နေ​ကြ​လော့။

၉။စာတန်ရဲ့ဝါးမျိုခြင်းမခံရဖို့သတိရှိပါ။
၁ပေ၅:၈သ​မ္မာ​သ​တိ​ရှိ​လျက် မ​အိပ်​ဘဲ​စောင့်​နေ​ကြ​လော့။ သင်​တို့၏ ရန်​သူ​တည်း​ဟူ​သော မာရ်​နတ်​သည်၊ ဟောက်​သော​ခြင်္သေ့​ကဲ့​သို့ အ​ဘယ်​သူ​ကို မျို​ရ​မည်​နည်း​ဟူ၍ လှည့်​လည်​ရှာ​ဖွေ​လျက်​ရှိ၏။

၁၀။နောက်ဆုံးသောကာလရဲ့မျော်လင့်ခြင်းမှာသတိရှိပါ။
၁ပေ၁:၁၃သို့​ဖြစ်၍၊ သင်​တို့​စိတ်​နှ​လုံး​ကို ခါး​ပန်း​စည်း၍ သ​မ္မာ​သ​တိ​ရှိ​ကြ​လော့။ ယေ​ရှု​ခ​ရစ် ပေါ်​ထွန်း​တော်​မူ​သော​အ​ခါ၊ သင်​တို့​ဆီ​သို့​ရောက်​လ​တ္တံ့​သော ဆု​ကျေး​ဇူး​ကို အ​ဆုံး​တိုင်​အောင် မျှော်​လ​င့်​ကြ​လော့။
(မာကု၁၃:၃၃၊လုကာ၂၁:၃၄၊၁ပေ၄:၇၊

နိဂုံး
သမ္မာကျမ်းစာမှပေးသောသတိ(၁၀)ချက်ကတော့…
၁။လွဲမှားတဲ့သြဝါဒကိုသတိပြုပါ။
၂။အချိန်မရွေးသေနိုင်တာသတိပြပါ။
၃။သူတပါးထိမိလဲစရာမဖြစ်ဖို့သတိပြုပါ။
၄။ရန်ကိုမတုန့်ပြန်ဖို့သတိပြုပါ။
၅။ယုံကြည်သွန်သင်မှုမှာမိမိကိုယ်ကိုဆင်ခြင်သတိပြုပါ။
၆။ဘုရားတရားမရိုသေသူကိုသတိပြုပါ။
၇။တရားစကားကိုမငြင်းမိဖို့သတိပြုပါ။
၈။အမြဲဆုတောင်းတတ်ဖို့သတိရှိပါ။
၉။စာတန်ရဲ့ဝါးမျိုခြင်းမခံရဖို့သတိပြုပါ။
၁၀။နောက်ဆုံးသောကာလရဲ့မျော်လင့်ခြင်းမှာသတိရှိပါ။