ယနေ့အသင်းတော်ရဲ့လိုအပ်ချက်
၁။ယနေ့လိုအပ်နေတာ
ဘုရားကျောင်းအဆောက်အအုံအကြီးစားမျိုးမဟုတ်၊ဝိညာဉ်ရေးရာကျန်းမာတဲ့အသင်းတော်ပါ။
၂။ယနေ့လိုအပ်နေတာ
အပတ်စဉ်တရားဟောခြင်းနဲ့ကြားနာခြင်းဘဲမဟုတ်၊ဟောပြီးကြားပြီးတဲ့တရားတိုင်းအသက်ရှင်ခြင်းပါ။
၃။ယနေ့လိုအပ်နေတာ
တရားဟောဖို့စကားကြွယ်ခြင်းပြောတတ်ခြင်းမဟုတ်၊ဝိညာဉ်တော်သွန်းလောင်းခြင်းနဲ့ရဲရဲတောက်ဟောကြားခြင်းပါ။
၄။ယနေ့လိုအပ်နေတာ
သမ္မာကျမ်းစာဗားရှင်းအမျိုးမျိုးဘဲမဟုတ်၊ဘုရားနူတ်ထွက်စကားကိုငတ်မွတ်တောင့်တခြင်းပါ။
၅။ယနေ့လိုအပ်နေတာ
ဘုရားကိုသိရှိခြင်းဘဲမဟုတ်၊တကယ့်လက်တွေ့မှာဘုရားကိုကြောက်ရွံ့ရိုသေခြင်းပါ။
၆။ယနေ့လိုအပ်နေတာ
လှပတဲ့ဆုတောင်းချက်စကားလုံးတွေမဟုတ်၊စိတ်နှလုံးထဲကရှိတဲ့အတိုင်းဝန်ခံချပြတတ်ခြင်းပါ။
၇။ယနေ့လိုအပ်နေတာ
အဆိုကောင်းတဲ့ချီးမွမ်းခြင်းဘဲမဟုတ်၊နာမ်ဝိညာဉ်နဲ့သစ္စာဖြင့်ကိုးကွယ်ချီးမွမ်းခြင်းပါ။
၈။ယနေ့လိုအပ်နေတာ
နောင်တမျက်ရည်ဘဲမဟုတ်၊နောင်တနဲ့စပ်ဆိုင်တဲ့လက်တွေ့အသက်တာပြောင်းလဲခြင်းပါ။
၉။ယနေ့လိုအပ်နေတာ
ကြီးမားတဲ့ငွေကြေးလှူဒါန်းခြင်းမဟုတ်၊ကိုယ်စိတ်နှလုံးသုံးပါးလုံးပေးလှူခြင်းပါ။
၁၀။ယနေ့လိုအပ်နေတာ
ခေါင်းဆောင်ပိုင်းဆိုင်ရာရာထူးမဟုတ်၊အစေခံခြင်းဆိုင်ရာစိတ်ဓာတ်ပါ။
၁၁။ယနေ့လိုအပ်နေတာ
ဧဝံဂေလိသာသနာပြုခြင်းဘဲမဟုတ်၊အသက်ပါပေးရဲတဲ့မာတုရစိတ်ဓာတ်ပါ။
၁၂။ယနေ့လိုအပ်နေတာ
ဝတ်ပြုစည်းဝေးဘဲမဟုတ်၊ဝတ်ပြုစည်းဝေးမှာယေရှုဘုရားပါရှိနေစေဖို့ပါ။
၁၃။ယနေ့လိုအပ်နေတာ
ကြွယ်ဝသောသမ္မာကျမ်းစာသွန်သင်ခြင်းမဟုတ်၊သွန်သင်သောသူကိုယ်တိုင်ပုံသက်သေရှိခြင်းပါ။
၁၄။ယနေ့လိုအပ်နေတာ
ဝေဖန်ပြစ်တင်ခြင်းမဟုတ်၊ထောက်မလမ်းပြသတိပေးခြင်းပါ။
၁၅။ယနေ့လိုအပ်နေတာ
ဓမ္မပညာသိရှိခြင်းဘဲမဟုတ်၊သိရှိထားတဲ့ဓမ္မပညာကိုလက်တွေ့အသက်ရှင်ခြင်းပါ။
၁၆။ယနေ့လိုအပ်နေတာ
အပြင်ပန်းကိုးကွယ်ရိုသေခြင်းမဟုတ်၊အတွင်းထဲကကိုင်းရှိုင်းခြင်းပါ။
တမန်တော်ဝထ္ထု ၂၀:၂၈
ထိုကြောင့် သင်တို့သည် ကိုယ်ကို သတိနှင့် ကြည့်ရှုကြလော့။ ဘုရားသခင်သည် မိမိအသွေးနှင့် ဝယ်တော်မူသောအသင်းတော်ကို လုပ်ကျွေးစေခြင်းငှါ၊ သန့်ရှင်းသောဝိညာဉ်တော်သည် သင်တို့ကို အအုပ် အချုပ် ခန့်ထားတော်မူသော သိုးစုတစုလုံးကိုလည်း သတိနှင့် ကြည့်ရှုကြလော့။