ကယ်တင်ခြင်းဆုံးရှုံးသွားနိုင်တဲ့အခြေနေ(၇)မျိုး
၁။ဘုရားသခင်ထက်တန်ခိုးကြီးတဲ့သူရှိလာရင်သင်ရထားတဲ့ကယ်တင်ခြင်းဆုံးရှုံးနိုင်ပါမယ်။
(ယော၁၀:၂၉ထိုသိုးတို့ကိုငါ၌အပ်ပေးတော်မူသော ငါ့ခမည်းတော်သည် ခပ်သိမ်းသောသူတို့ထက် ကြီးမြတ်တော်မူသည်ဖြစ်၍၊ အဘယ်သူမျှ ထိုသိုးတို့ကို ငါ့ခမည်းတော်၏လက်မှ မနုတ်မယူနိုင်ရာ။)
အမှန်ကဘုရားထက်တန်ခိုးကြီးသူမရှိနိုင်တာမို့သင်ရထားတဲ့ကယ်တင်ခြင်းဟာဘယ်တော့မှမဆုံးရှုံးသွားနိုင်ပါ။
၂။ထာဝရဆိုတာအကန့်သတ်ရှိနေရင်သင်ရထားတဲ့ကယ်တင်ခြင်းကပျောက်သွားနိုင်ပါမယ်။
(ယော၅:၂၄ငါအမှန်အကန်ဆိုသည်ကား၊ ငါ့စကားကို နားထောင်၍ ငါ့ကိုစေလွှတ်တော်မူသောသူကို ယုံကြည်သောသူသည် ထာဝရအသက်ကို ရသည်ဖြစ်၍ အပြစ်စီရင်ခြင်းကိုမခံရ။ သေခြင်းမှအသက်ရှင်ခြင်းသို့ ကူးမြောက်သောသူဖြစ်၏။)
အမှန်ကထာဝရဆိုတာအကန့်သတ်မရှိတာမို့သင်ရထားတဲ့ကယ်တင်ခြင်းဟာဘယ်တော့မှပျောက်မသွားနိုင်ပါ။
၃။ယေရှုခရစ်ကကျွန်တော်တို့အတွက်ဆုတောင်းပေးတာရပ်သွားရင်သင်ကယ်တင်ခြင်းဆုံးရှူံးနိုင်ပါတယ်။
(ဟေဗြဲ၇:၂၅ထို့ကြောင့် ကိုယ်တော်သည် မိမိအားဖြင့် ဘုရားသခင်ထံတော်သို့ချဉ်းကပ်သောသူတို့ကို အပြည့်အဝကယ်တင်နိုင်တော်မူ၏။ အဘယ်ကြောင့်ဆိုသော် ကိုယ်တော်သည် သူတို့အတွက် အသနားခံပေးရန် အစဉ်အမြဲအသက်ရှင်လျက်ရှိတော်မူ၏။-စံမီ)
အမှန်ကယေရှုဟာကျနော်တို့အတွက်အမြဲဆုတောင်းပေးနေတာမို့သင်ရထားတဲ့ကယ်တင်ခြင်းဟာဘယ်တော့မှမဆုံးရှုံးသွားနိုင်ပါ။
၄။ဘုရားသခင်ကတိသစ္စာမတည်တော့ရင်သင်ကယ်တင်ခြင်းဆုံးရှူံးသွားနိုင်ပါတယ်။
(၂သက်၃:၃သို့သော်လည်း၊ သခင်ဘုရားသည် သစ္စာနှင့် ပြည့်စုံတော်မူ၏။ သင်တို့ကိုမြဲမြံစေ၍၊ မကောင်းအမှုအရာနှင့် ကင်းလွတ်စေခြင်းငှာ စောင့်မတော်မူလိမ့်မည်။)
အမှန်ကဘုရားသခင်ဟာကတိသစ္စာနဲ့အစဉ်တည်တဲ့သူမို့သူထာဝရအသက်ပေးပြီလို့ပြောလိုက်တာကိုသစ္စာပြန်ဖျက်မှာမဟုတ်ပါ။ဒါ ကြောင့်သင်ရထားတဲ့ကယ်တင်ခြင်းဟာဘယ်တော့မှမဆုံးရှုံးသွားနိုင်ပါ။
၅။ဝိညာဉ်တော်ဘုရားရဲ့အလုပ်လုပ်ပေးခြင်းရပ်တန့်သွားခဲ့ရင်သင်ကယ်တင်ခြင်းဆုံးရှူံးသွားနိုင်ပါတယ်။
(ရောမ၈:၂၆ထိုမှတစ်ပါး၊ငါတို့ မတတ်နိုင်သောအရာမှာ ဝိညာဉ်တော်သည် မစတော်မူ၏။ ငါတို့သည် ဆုတောင်းသင့်သည်အတိုင်း အဘယ်ဆုကို တောင်းရမည်ဟုမသိကြ။ သို့ရာတွင် ငါတို့ဆုတောင်းခြင်းအမှုကို နှုတ်မမြွက်နိုင်သော ညည်းတွားခြင်းအားဖြင့် ဝိညာဉ်တော်သည် စောင့်မတော်မူ၏။）
（ဧဖက်၄:၃၀ရွေးနုတ်ခြင်း နေ့ရက်တိုင်အောင် သင်တို့ကို တံဆိပ်ခတ်တော်မူသော ဘုရားသခင်၏ သန့်ရှင်းသော ဝိညာဉ်တော်ကို စိတ်မနာစေကြနှင့်။)
အမှန်ကဝိညာဉ်တော်ဘုရားဟာသူတံဆိပ်ခတ်လိုက်တဲ့လူတွေကိုအမြဲကူညီလုပ်ဆောင်ဖေးမသူမို့သင်ရထားတဲ့ကယ်တင်ခြင်းဟာဘယ်တော့မှမဆုံးရှုံးသွားနိုင်ပါ။
၆။ဘုရားသခင်ကကျွန်တော်တို့ကိုဆက်မချစ်တော့ရင်သင်ကယ်တင်ခြင်းဆုံးရှူံးသွားနိုင်ပါတယ်။
(ယော၃:၁၆ဘုရားသခင်၏သားတော်ကို ယုံကြည်သောသူအပေါင်းတို့သည်၊ ပျက်စီးခြင်းသို့မရောက်၊ ထာဝရအသက်ကို ရစေခြင်းငှာ၊ ဘုရားသခင်သည် မိမိ၌ တစ်ပါးတည်းသော သားတော်ကို စွန့်တော်မူသည်တိုင်အောင် လောကီသားတို့ကို ချစ်တော်မူ၏။)
အမှန်ကဘုရားရဲ့အချစ်ကအစဉ်အမြဲတည်နေတာမို့သင်ရထားတဲ့ကယ်တင်ခြင်းဟာဘယ်တော့မှမဆုံးရှုံးသွားနိုင်ပါ။
၇။ကယ်တင်ခြင်းမဆုံးရှုံးအောင်ငါ့အကျင့်ကောင်းနဲ့ထိန်းသိန်းနိုင်ရမယ်ဆိုတဲ့အတွေးဝင်လာတဲ့ချိန်သင်ကယ်တင်ခြင်းပြန်ဆုံးရှုံးနိုင်ပါတယ်။ဘာလို့လဲဆိုတော့(အမြဲအပြစ်လုပ်နေခြင်းမဟုတ်ဘဲ)သင်အကျင့်တချက်ကလေးမကောင်းနိုင်တာနဲ့ကယ်တင်ခြင်းဆုံးရှုံးသွားနိုင်တယ်လို့သင်ခံယူလို့ပါ။
（ဖိလိပ္ပိ၁:၆သင်တို့၌ ကောင်းသောအမှုကိုအစပြုခဲ့သောအရှင်သည် ခရစ်တော်ယေရှု၏နေ့ရက်တိုင်အောင် ထိုအမှုကို ပြီးမြောက်စေတော်မူလိမ့်မည်ဟု ငါယုံကြည်စိတ်ချ၏။）
အမှန်ကသင့်ကယ်တင်ခြင်းကိုမဆုံးရှုံးအောင်စောင့်ရှောက်ပေးသူဟာခရစ်တော်ဘဲမို့သင်ရထားတဲ့ကယ်တင်ခြင်းဟာဘယ်တော့မှမဆုံးရှုံးသွားနိုင်ပါ။
ကယ်တင်ခြင်းမဆုံးရှုံးနိုင်ဘူးဆိုရင်အပြစ်အားရပါးရလုပ်လို့ရပြီလော?မဟုတ်ရပါ၊သာ၍သန့်ရှင်းစွာနာခံအသက်ရှင်သွားရပါမည်။စစ်မှန်သောကယ်တင်ခြင်းရထားသူဟာအပြစ်ကိုလိုလိုလားလာသွားမလုပ်တော့ပါ။အဓိကဒီပို့စ်မှာတော့ဘုရားပေးထားတဲ့ကယ်တင်ခြင်းဟာသင့်အတွက်ထာဝရလုံခြုံမှု(အာမခံမှု)ရှိကြောင်းစိတ်ချစေချင်တာဖြစ်ပါတယ်။