ကိုးရီးယားယေရှုအတု(Koo In-hwoi)အကြောင်း
ဒီရက်ပိုင်းကိုးရီးယားယေရှုအကြောင်းလာလာမေးကြသူများလို့လေ့လာပြီးအကျဉ်းချုပ်တင်ပေးလိုက်ပါတယ်။အဖွဲ့အစည်းအမည်ကကိုးရီးယားလိုကနေမြန်မာဘာသာပြန်ရင်”ကြွလာပြီဖြစ်သောယေရှု၏နိုးကြားတဲ့အသင်းတော်”လို့သုံးသလို၊”ကောင်းကင်သတင်းကောင်းအဖွဲ့”လို့လည်းသုံးပါတယ်။တည်ထောင်ခဲ့သူက Koo In-hwoi ဆိုတဲ့သူပါ။သူ့နာမည်ကကိုးရီးယားနာမည်ကြီးဘန်းLGတည်ထောင်သူနဲ့တူနေတာမို့မမှားမိဖို့လိုပါတယ်။
Koo In-hwoi ဟာ မိမိကိုယ်ကိုသူဟာတဖန်ကြွလာတဲ့ယေရှုပါလို့ခံယူဟောပြောသူပါ။1941-6-3နေ့မှာမွေးပြီး၊1976-2-28ရက်နေ့မှာဆုံးသွားခဲ့ပါပြီ။1976မှာကိုးရီးယားအစိုးရကအစွန်းရောက်တဲ့ယုံကြည်မှုတွေကိုတိုက်ဖျက်တဲ့အချိန်သူအဖမ်းခံရပြီးစစ် ကြောရေးမှာရက်20ကြာပြီးမခံနိုင်လို့အသက်၃၄မှာဆုံးသွားခဲ့တာပါ။ယနေ့တိုင်ကိုးရီးယားမှာသူဂူသင်္ချိုင်းရှိပါတယ်၊တဖန်ကြွလာသောယေရှုဆိုပြီးကဗည်းထိုးထားပါတယ်။
ဆိုတော့၊နှစ်ပေါင်း50လောက်ကြာခဲ့ပြီးတဲ့သူကဘာလို့ခုမှပေါ်လာရတာလဲ?သူသေသွားပေမဲ့သူ့နောက်လိုက်တွေကကိုးရီးယားမှာဆက်ရှိနေသေးလို့ပါ။နဂိုကအဖွဲ့ဝင်သောင်းချီရှိပေမဲ့သူသေသွားပြီးနောက်မကျန်သလောက်ပါဘဲ။လက်ရှိနောက်လိုက်ပေါင်းတစ်ထောင်ဝန်းကျင်သာကျန်ပါတယ်။ဒါတွေကိုအခုခေတ်စမတ်ဖုန်းနဲ့အင်တာနက်ကျယ်ပြန့်လာတာမို့ယနေ့ကျနော်တို့သိလာရတာပါ။အမှန်ကကိုးရီးယားမှာရှိနေတာနှစ်(50)ကျော်ရှိပါပြီ။သူတို့အဖွဲ့တွေကတခြားကိုးရီးယားယေရှုအတု(ဥပမာ lee man-hee）ကောင်းကင်သစ်မြေကြီးသစ်ယေရှုအသင်းကိုလည်းတိုက်ခိုက်လေ့ရှိပါတယ်။တဖန်ကြွလာတဲ့ယေရှုကငါတို့သခင်Koo In-hwoiဘဲဖြစ်ရမယ်ဆိုပြီးတိုက်ခိုက်တတ်ပါတယ်။
မှားယွင်းတဲ့ယုံကြည်ချက်များ
၁။Koo In-hwoi ကယေရှုပါလို့ယုံကြည်ပြီးသူ့ကိုယုံကြည်မှကောင်းကင်ဝင်ရမယ်လို့ခံယူကြတယ်။
၂။1973-11-10မှာကောင်းကင်သစ်မြေကြီးသစ်ပေါ်လာမယ်လို့ပရောဖက်ပြုခဲ့ပေမဲ့မမှန်ခဲ့ဘူး။ဒါကြောင့်ကောင်းကင်သတင်းကောင်းအဖွဲ့ဆိုပြီးနာမည်အသစ်ပြန်ပြောင်းပြီးလှုပ်ရှားခဲ့တယ်။
၃။ကားတိုင်ပုံကကျိန်ခြင်းဖြစ်တာမို့မသုံးရဘူး၊ထိုက်ကျိပုံကိုပြောင်းသုံးရမယ်ဆိုပြီးသုံးပါတယ်၊အောက်ကပုံထိပ်မှာကြည့်ပါ။
၄။သခင်ဘုရား၌စားသောက်ရမယ်ဆိုပြီးအရက်ဆေးလိပ်မူးယစ်တွေသောက်ဖို့ပါတီတွေပြုလုပ်ကြတယ်။
၅။ကောင်းကင်ဝင်ဖို့လက်မှတ်ဝယ်ရမယ်ဆိုပြီးအသင်းသားတွေဆီလက်မှတ်ရောင်းတယ်။1970ကတည်းကကိုးရီးယားငွေသိန်းဆယ်ချီရောင်းရခဲ့တယ်။
ကိုးရီးယားမှာသူတို့အဖွဲ့ကသေးပါတယ်၊နိုင်ငံတကာမထိုးဖောက်နိုင်သေးပါ။ဒါပေမဲ့သတိထားရမှာကကိုးရီးယားယေရှုနောက်တစ်ယောက်ကိုပါ။သူ့နာမည်ကLee Man-hee ပါ။အသင်းတော်နာမည်က”ကောင်းကင်သစ်မြေကြီးသစ်ယေရှုအသင်းတော်”（Shincheonji Church of jesus）ပါ။ဒီအဖွဲ့ကအင်တာနက်ကတဆင့်အတော်ခြေလှမ်းကျယ်လာပြီးအခုဆိုမြန်မာပြည်အထိတောင်နောက်လိုက်ရှိနေပြီလို့သိရပါတယ်။အထူးသတိထားစရာပါ။
နောက်တစ်ဦးသတိထားရမဲ့သူကတရုတ်ပြည်ကတရုတ်မယေရှုအတုကိုပါ။ဒီအဖွဲ့လည်းမြန်မာပြည်မှာအသင်းတော်၄-၅ခုတောင်ရှိနေပြီလို့သိရပါတယ်။”ဟာ-နောက်လိုက်တွေအလိုက်တာ”လို့ တချိန်ကပြောဖူးတဲ့ဆရာကြီးတွေတောင်ဘာမှမရိပ်မိဘဲသူတို့အဖွဲ့ထဲပါဝင်နေတာရှိပါတယ်။၊စာတန်က ပုံထဲကလိုရုပ်ဆိုးကြီးနဲ့မလာပါ၊လင်းသောကောင်းကင်တမန်လိုလာတာမို့အထူးသတိပြုစရာပါ။
（ရှင်မဿဲ 24:23-24 ထိုအခါ သူတစ်ပါးက ဤအရပ်၌ ခရစ်တော်ရှိသည်၊ ထိုအရပ်၌ရှိသည်ဟု ဆိုသော်လည်း မယုံကြနှင့်။အကြောင်းမူကား၊ ခရစ်တော်၏အယောင်ကို ဆောင်သောသူနှင့် မိစ္ဆာပရောဖက်တို့သည် ပေါ်လာ၍ ရွေးချယ်သောသူတို့ကိုပင် လှည့်ဖြားနိုင်လျှင် လှည့်ဖြားလောက်အောင် ကြီးစွာသောနိမိတ်လက္ခဏာ၊ အံ့ဖွယ်သောအမှုတို့ကို ပြကြလိမ့်မည်။)
ကိုးကား-ကိုးရီးယားအသင်းတော်နှင့်မီဒီယာဆိုဒ်
မူရင်း-ဆရာရဲမင်း