ဣသရေလ(၁၂)မျိုးထဲကလေဝိလူမျိုး

ဣသရေလ(၁၂)မျိုးထဲကလေဝိလူမျိုး

ယုံကြည်သူတချို့ကလေဝိလူမျိုးဟာဣသရေလ(၁၂)မျိုးဝင်မဟုတ်ဘူးဆိုပြီးဆရာတ‌စ်ဦးရေးထားတာလာပြလို့၊လေဝိလူမျိုးဟာဣသ ရေလ(၁၂)မျိုးအဝင်ဖြစ်ကြောင်းသက်သေနဲနဲချပြပါမယ်။ဘယ်သူ့ကိုမှတိုက်ခိုက်လိုခြင်းမဟုတ်ပါ၊စာဖတ်သူတွေအမြင်ကျယ်လာပြီးလွတ်လပ်စွာခံယူလို့ရ‌အောင်ပါ။လေဝိဟာဣသရေလအမျိုး၁၂မျိုးထဲပါရခြင်းက…

၁။ဣသ‌ရေလဆိုတာယာကုပ်ရဲ့အမည်သစ်မို့ပါ၊ဣသရေလ၁၂မျိုးဆိုတာလည်းယာကုပ်သား၁၂ယောက်ကိုဆိုလိုပါတယ်။ဒါကြောင့်ဣသ ရေလအမျိုးလို့ပြောရင်လေဝိမပါဘူးပြောမရပါ။
(ရာဇဝင်ချုပ်ပထမစောင်၂:၁-၂ဣ​သ​ရေ​လ၏​သား​များ​ဟူ​မူ​ကား၊ ရု​ဗင်၊ ရှိ​မောင်၊ လေ​ဝိ၊ ယု​ဒ၊ ဣ​သ​ခါ၊ ဇာ​ဗု​လုန်၊ ဒန်၊ ယော​သပ်၊ ဗင်္ယာ​မိန်၊ နဿ​လိ၊ ဂဒ်၊ အာ​ရှာ​တည်း။)
(ထွက်မြောက်ရာ၁:၁-၅လည်းဖတ်ကြည့်ပါ)။

၂။ရာဇဝင်ချုပ်ပထမစောင်အခန်းကြီး၂၃မှာလေဝိအနွယ်ဝင်ကိုသေချာဖော်ပြပြီး၊မောရှေသားတွေကိုတောင်လေဝိအမျိုးစာရင်းထဲသွင်းကြောင်းတိကျစွာဖော်ပြပါတယ်။
(ရာဇဝင်ချုပ်ပထမစောင်၂၃:၁၄ဘု​ရား​သ​ခင့်​လူ မော​ရှေ၏​သား​ကို​ကား၊ လေ​ဝိ​အ​မျိုး​သား​တို့၏​စာ​ရင်း၌​သွင်း​ရ၏။)

၃။ဒါဝိဒ်တပ်တော်မှာကိုးကွယ်မှုဆိုင်ရာလမ်းပြဖို့လေဝိအမျိုးပါဝင်တာသတိပြုပါ။
(ရာဇဝင်ချုပ်ပထမစောင်၁၂:၂၆မှာ“လေ​ဝိ​အ​မျိုး​သား လေး​ထောင်​ခြောက်​ရာ၊”ဆိုပြီးတိကျစွာ‌ ရေးထားပါတယ်။)

၄။ပို‌သေချာစေတာကဗျာဒိတ်ကျမ်း၇:၇မှာလေဝိအမျိုးတံဆိပ်ခတ်ခြင်းကိုအတိအကျဖော်ပြထားပါတယ်။
(ဗျာ၇:၇ရှိ​မောင်​အ​မျိုး​ထဲ​က တစ်​သောင်း​နှစ်​ထောင်၊ လေ​ဝိ အ​မျိုး​ထဲ​က တစ်​သောင်း​နှစ်​ထောင် ၊ ဣ​သ​ခါ​အ​မျိုး​ထဲ​က တစ်​သောင်း​နှစ်​ထောင်၊)

၅။ပရောဖက်ယေဇကျေလကလည်းဣသရေလအမျိုးထဲလေဝိပါဝင်ကြောင်းဖော်ပြခဲ့ပါတယ်။
(ယေဇကျေလ၄၈:၃၁ မြို့​တံ​ခါး​တို့​သည် ဣ​သ​ရေ​လ​အ​မျိုး​အ​နွယ်​တို့ အ​မည်​ကို ဆောင်​လျက်၊ မြောက်​ဘက်၌ ရု​ဗင်​တံ​ခါး၊ ယု​ဒ​တံ​ခါး၊ လေ​ဝိ​တံ​ခါး​တည်း​ဟူ​သော တံ​ခါး​သုံး​ပေါက် ရှိ​ရ​မည်။)ဒါကိုဗျာ၂၁:၁၂မှာလည်းအတည်ပြုထားပါတယ်။

၆။ကျမ်းစာတအုပ်လုံးလေ့လာရင်“လေဝိအမျိုး”ဆိုပြီးအများကြီးအသုံးပြုထားတာတွေ့ရမှာပါ။သတိထားရမှာကစစ်တိုက်တာတို့တခြား‌လောကီရေးရာတို့မှာလေဝိအမျိုးကိုမဖော်ပြပါဘူး၊သူတို့ကဒါတွေလုပ်စရာမလိုလို့ပါ။ဒါပေမယ့်အမျိုးအနွယ်ဆိုင်ရာသီးသန့်ရေတွက်ရင်တော့လေဝိပါနေတာ အပေါ်ကကျမ်းချက်တချို့ကြည့်ပြီးသတိပြုပါ။

၇။တချို့ဆရာတွေက(တော၁:၄၇-၄၉)အရလေဝိလူမျိုးကဣသရေလ၁၂မျိုးထဲမပါဘူးဆိုကြပါတယ်။ဒီနေရာမှာလေဝိကိုမရေတွက်ခြင်းဟာစစ်တိုက်ဖို့မို့လို့ဆိုတာတာသတိပြုပါ။လေဝိတွေကဘုရားအမှုဆောင်တာမို့စစ်တိုက်ဖို့ရေတွက်တဲ့အခါမလိုအပ်(မပါ)ခိုင်းတာပါ(တော၃:၅-၁၃)။ဒါကိုဣသ ရေလ၁၂မျိုးထဲလေဝိလူမျိုးမပါဘူးပြောရင်မှားပါမယ်။ဘုရားသခင်ကိုယ်တိုင်“လေဝိလူမျိုး”ဆိုပြီးအသိမှတ်ပြုထားပါတယ်(စံမီ)။လေဝိအမျိုးကိုရေတွက်ခိုင်းတာဖတ်ချင်ရင်တောလည်ရာအခန်းကြီး၃ကိုဖတ်ပါ။

၈။နောက်ပြီး(တော၁၈:၂၃-၂၄နဲ့တရား၁၀:၈-၉)အရဣသ ရေလ၁၂မျိုးထဲလေဝိမပါဘူးပြောခြင်းဟာမှားပါတယ်။အဲဒီကျမ်းချက်ကလေဝိတွေဟာဘုရား‌အမှုဆောင်မို့အမွေသီးသန့်ခွဲပေးစရာမလိုတော့ဘဲ၊ကျန်အမျိုးရဲ့၁၀/၁ဟာသူတို့အမွေဖြစ်ကြောင်းဖော်ပြနေတာဖြစ်ပါတယ်။ဒါကြောင့် ယောရှုမှတ်စာ၂၁မှာအမွေခွဲတဲ့အခါလေဝိတွေကဣသရေလူ၁၂မျိုး(ယောသပ်သားနှစ်ယောက်ပါ)ရတဲ့ထဲကနေပြန်ခွဲယူပြီးဖြန့်ကျက်နေထိုင်ရပါတယ်။ကိုးကွယ်မှုလမ်းပြဖို့ပါ။

၉။လေဝိအမျိုးဟာဣသ ရေလအနွယ်(အစ္စရေးအနွယ်)ဝင်မဟုတ်ဘူးပြောရင်ဖြေရှင်းရမှာက-လေဝိလူဖြစ်တဲ့မောရှေ၊အာရုန်၊မိရိအံအပါအဝင်၊ဓမ္မသစ်ထဲကဗတ္တိဇံဆရာယောဟန်၊ဗာနဗ(တမန်၄:၃၆)စသဖြင့်…ဒီလူတွေဟာအစ္စရေးလူမျိုးမဟုတ်ဘူးဆိုလိုရာရောက်ပါမယ်။ဒါဆိုရင်ဒီလူတွေကတပါးအမျိုးသားတွေလားဖြေရှင်းကြည့်ပါ။အစ္စရေးလူမျိုးတော့ဟုတ်ပြီးအနွယ်ဝင်မဟုတ်ဘူးဆိုတဲ့ရှေ့နောက်မညီစကားပြောတာမျိုးတော့အခြေမြစ်မရှိဘူးလို့ပြောချင်ပါတယ်။ဒါကဘာနဲ့တူလဲဆိုတာကျနော်ကတရုတ်လူမျိုးဖြစ်ပြီးတရုတ်အနွယ်ဝင်တော့မဟုတ်ဘူးဆိုတာနဲ့တူပါတယ်။ရှေ့နောက်ကိုက်ညီမှုမရှိတာပါ။

၁၀။နောက်တခုက
ယောသပ်ရဲ့သား၂ယောက်ဟာဣသရေလ(၂)မျိုးလို့မမှတ်ဘဲတစ်မျိုးသာသတ်မှတ်ပါတယ်။အမွေခွဲချိန်နှစ်မျိုးစာရတာဖြစ်ပါတယ်။
(ယောရှု၁၄:၄ ယော​သပ်​အ​မျိုး​သား​တို့​သည် မ​နာ​ရှေ​အ​မျိုး၊ ဧ​ဖ​ရိမ်​အ​မျိုး နှစ်​မျိုး​ဖြစ်၍၊ လေ​ဝိ​သား​တို့​နေ​စ​ရာ​မြို့၊သူ​တို့​တိ​ရ​စ္ဆာန်​နှင့် ဥ​စ္စာ​ကို​ထား​စ​ရာ​မြို့​နယ်​မှ​တစ်​ပါး အ​ခြား​သော​မြေ​ကို မ​ပေး။)
ယောသပ်သားနှစ်ယောက်(ဧဖရိမ်၊မနာရှေ)ကိုယာကုပ်ကသားအဖြစ်မွေးစားတဲ့သဘောဖြစ်ပြီး၊ယောသပ်ရဲ့‌ကျေးဇူးကြောင့်တဆွေတမျိုးလုံးအီဂျစ်မှာအသက်ချမ်းသာရတာမို့ယာကုပ်က‌ ယောသပ်ကိုသားကြီးအရာအမွေ၂ဆ(ဧဖရိမ်နဲ့မနာရှေ)ကိုပေးခဲ့တာပါ။
(၁ရာချုပ်၅:၁-၃ရု​ဗင်​သည် ဣ​သ​ရေ​လ၏​သား​ဦး​ဖြစ်​သော်​လည်း၊ အ​ဘ​အိပ်​ရာ​ကို ညစ်​ညူး​စေ​သော​ကြောင့်၊ သား​ဦး​အ​ရာ​ကို​နုတ်​ပြီး​လျှင်၊ ဣ​သ​ရေ​လ၏​သား​ဖြစ်​သော ယော​သပ်၏​သား​တို့​အား​ပေး​သည်​ဖြစ်၍၊ သား​စဉ် မြေး​ဆက်​တို့​ကို​မှတ်​သော​အ​ခါ၊ သား​ဦး​အ​ရာ​ကို​လိုက်၍ မ​မှတ်​ရ။ ယု​ဒ​သည်​လည်း ညီ​အစ်​ကို​တို့​တွင်​လွန်​ကဲ၍ သူ၏​အ​မျိုး​ထဲ​က မင်း​ဖြစ်​တတ်​သော်​လည်း၊ သား​ဦး​အ​ရာ​ကို​မ​ရ၊ ယော​သပ်​ရ၏။)(ဆက်ပြီးဒီကျမ်းလေ့လာကြည့်ပါ။ယောရှု၁၃:၁၄၊ကမ္ဘာ၄၇:၁၁-၁၂)။
ဒါကြောင့်ယောသပ်သားနှစ်ယောက်ဟာအမွေခွဲတဲ့အခါတယောက်တနေရာစီရခဲ့ကြတာပါ၊လေဝိအမျိုးကဘုရားအမှုဆောင်မို့အမွေသီးသန့်မရဘဲ၊လေဝိအစားယောသပ်သား၂ယောက်ကိုထည့်သွင်းဖော်ပြပြီး(၁၂)နေရာအဖြစ်ဖော်ပြထားတာပါ။(ယောသပ်နဲ့ လေဝိ မပါတာပါ)။ဒါကိုကြည့်ပြီး‌လေဝိကဣသရေလအမျိုးထဲမပါဘူးပြောခြင်းဟာမမှန်ကန်‌ကြောင်းနားလည်ရပါမယ်။

နိဂုံးချုပ်ဆိုရသော်
စစ်တိုက်ခြင်း၊အမွေခွဲခြင်း၊လောကီအမှုရေးရာမှာလေဝိကိုထည့်သွင်းမ‌ ဖော်ပြထားဘဲသူ့အစား‌ယောသပ်သားနှစ်ယောက်ကိုဖော်ပြပြီး(၁၂)မျိုးမှတ်ပါတယ်(ယောသပ်ကိုလည်းမဖော်ပြပါ)။ဒါ‌ပေမယ့်ဒါကိုကြည့်ပြီးလေဝိကဣသရေလ၁၂မျိုးထဲမှာမပါဘူးပြောရင်မှားပါတယ်။အမှန်ကယောသပ်သားနှစ်‌ယောက်ဟာသူ့အ‌ဖေသားဦးအရာ(အမွေနှစ်ဆ)ရလို့အမျိုးအနွယ်တစ်မျိုးစီ‌ဖော်ပြခံရတာလေးဖြစ်ပါတယ်။‌လေဝိအမျိုးသည်ဗျာဒိတ်ကျမ်းအထိဖော်ပြခံရတဲ့ဣသရေလအမျိုးအနွယ်ဝင်စင်စစ်ဖြစ်ပါတယ်။