တိုက်ခိုက်လာသူတိုင်းကိုတုန့်ပြန်ဖို့မလိုအပ်ပါ။
ကျားကြီးတကောင်ဟာခွေးရူးတကောင်ကိုတွေ့တော့ချက်ချင်းပုန်းရှောင်လိုက်သတဲ့။
ဒါကိုကျားငယ်လေးက
“အဖေကခြင်္သေ့နဲ့တောင်ချရဲ၊ကျားသစ်တွေနဲ့တောင်လုံးရဲတာဘာလို့ဒီခွေးရူးကျမှကြောက်နေရတာလဲ?ရှက်စရာကြီးမဖြစ်နေဘူးလား”လို့မေးလိုက်ပါတယ်။
ဒါကိုကျားကြီးက
“သား၊ခွေးရူးကိုနိုင်သွားတော့နာမည်ကောင်းသလား?”
သားလေးကခေါင်းခါလိုက်သည်။
“ခွေးရူးကိုက်ခံခဲ့ရရင်ကောကြားကောင်းသလား?”
သားလေးကသဘောပေါက်ဟန်ဖြင့်ခေါင်းညိပ်ပြသည်။
“ဒါဆိုခွေးရူးနဲ့ထိပ်တိုက် ရင်ဆိုင်အုံးမှာလား？ရှောင်မှာလား?”
သားဖြစ်သူမှသဘောပေါက်သွားပါတော့သည်။
မိတ်ဆွေ
လူတချို့ကသင့်နဲ့ထိပ်တိုက်ရင်ဆိုင်ဖို့မထိုက်တန်ပါ။တချို့ငြင်းခုန်မှုကအကျိုးရှိစေပေမယ့်၊ခွေးရူးလိုနေရာတကာပြဿနာမီးမွေးနေတဲ့(ပြဿနာကြီးဖြစ်လာနိုင်စေတဲ့)လူတွေနဲ့တော့သွားငြင်းခုန်ရန်ဖြစ်ဖို့မလိုအပ်ပါဘူး။အကျိုးမရှိလို့ပါ။လူ့ဘဝဟာတိုတောင်းလှပါတယ်၊တိုတိုလေးသာရှိတဲ့တန်းဖိုးကြီးအချိန်တွေကိုဒီလိုနေရာမဖြုန်းလိုက်ပါနဲ့။အပြုံးလေးနဲ့သာရှောင်ပေးလိုက်ပါ။
စိတ်ညစ်စရာနဲ့ဒေါသတွေကိုတကူးတကအချိန်ပေးပြီးမရှာယူချင်စမ်းပါနဲ့။လုပ်စရာရှိတာဆက်လုပ်ပါ။သင်ရှောင်ပေးလိုက်တာဟာကြောက်လို့မဟုတ်ပါဘူး၊မတန်လို့ပါ၊အကျိုးမရှိလို့ပါ။အကျိုးရှိနိုင်မရှိနိုင်ဆိုတာတွေးတောပြီးရှောင်နိုင်ကြပါစေ။
မဿဲ၇:၆ ဖြူစင်သောအရာကို ခွေးတို့အား မပေးကြနှင့်။ ပုလဲရတနာတို့ကို ဝက်တို့ရှေ့မှာ မချမထားကြနှင့်။ သို့ပြုလျှင် ထိုအရာတို့ကို ကျော်နင်း၍ သင်တို့ကိုလှည့်လျက် ကိုက်ဖြတ်ကြလိမ့်မည်။