ပေးလှူမှုနိယာမ(၆)ချက်
နိဒါန်း
ခရစ်ယာန်ယုံကြည်သူအသက်တာမှာပေးလှူခြင်းကအရေးပါတဲ့အစိတ်အပိုင်းတခုဖြစ်ပါတယ်။ဒါကြောင့်လဲယုံကြည်သူတိုင်းလိုလိုအနည်းနဲ့အများပေးလှူနေကြရစမြဲပါ။ဒါပေမယ့်ပေးလှူမှုနိယာမ မသိရင်ကောင်းကြီးနဲ့ဝေးနေတတ်တာမို့ပေးလှူမှုရဲ့အခြေခံမူနိယာမ(၆)ချက်နဲ့အလင်းပေးချင်ပါတယ်။
၁။ပေးလှူတယ်ဆိုတာကောင်းကြီးရချင်လို့ဘဲမဟုတ်၊ကောင်းကြီးရထားလို့ဘုရားသခင်ကိုကျေးဇူးတင်တာဖြစ်ပါတယ်။အာမင်။
(တရားဟောရာ၈:၁၇-၁၈ငါ့တန်ခိုး၊ ငါ့လက်သတ္တိအားဖြင့် ဤစည်းစိမ်ကိုငါရတတ်သည်ဟု စိတ်ထဲမှာ အောက်မေ့ခြင်းအပြစ်ကို သတိနှင့်ကြဉ်ရှောင်လော့။ သင်၏ ဘုရားသခင်ထာဝရဘုရားကိုသာ အောက်မေ့ရမည်။ အကြောင်းမူကား၊ …စည်းစိမ်ရတတ်သော အစွမ်းသတ္တိကို ဘုရားသခင်ပေးတော်မူ၏။)
၂။ပေးလှူတယ်ဆိုတာဘုရားကငွေလိုနေလို့မဟုတ်၊သင်ကကောင်းကြီးလိုနေလို့ပါ။အာမင်။
(ဟဂ္ဂဲ၂:၈ရွှေနှင့် ငွေကို ငါပိုင်သည်ဟု၊ကောင်းကင်ဗိုလ်ခြေအရှင် ထာဝရဘုရားမိန့်တော်မူ၏။)
(ရာဇဝင်ချုပ်ပထမစောင် ၂၉:၁၄ခပ်သိမ်းသောအရာတို့သည်တန်ခိုးတော်ကြောင့် ဖြစ်ပါ၏။အကျွန်ုပ်တို့သည်ကိုယ်တော်၏ဥစ္စာထဲကသာကိုယ်တော်အား ပူဇော်ပါ၏။)
(သုတ္တံ၃:၉သင်သည် ကိုယ်ဥစ္စာနှင့် အဦးသီးသောအသီးအနှံရှိသမျှကို ထာဝရဘုရားအား ပူဇော်လော့။ သို့ပြုလျှင်၊ သင်၏စပါးကျီတို့သည် ကြွယ်ဝ၍၊ စပျစ်သီးနယ်ရာတန်ဆာတို့ကို အသစ်သော စပျစ်ရည်လျှံလိမ့်မည်။)
၃။ငါဘယ်လောက်ပေးလှူလိုက်ပြီဆိုပြီးမဝါကြွားပါနဲ့။မပေါ်မလွင်ပေးလှူခြင်းမှသာဘုရားရှေ့မှာသာ၍ပေါ်လွင်တယ်ဆိုတာသိပါ။
(ရှင်မဿဲခရစ်ဝင်၆:၃-၄:သင်သည်အလှူဒါနကိုပေးသေအခါပေးကြောင်းကို မထင်ရှားစေခြင်းငှာ၊ လက်ယာလက် ပြုသသည်အမှုကို လက်ဝဲလက်မျှမသိစေနှင့်။မထင်ရှားသသောအရာကိုမြင်တော်မူသောသင်၏အဘသည်အကကျိုးကိုထင်ရှားစွာ ပေးတော်မူလတ္တံ့။)
၄။အများကြီးရှိမှပေးလှူမယ်လို့မခံယူမိပါစေနဲ့။ရှိတာလေးနဲ့ပေးလှူကြည့်ပါ၊တကယ့်အံ့ဩဖွယ်ကောင်းကြီးဖြစ်လာပါလိမ့်မယ်။အာမင်။
(၃ရာ၁၇:၁-၁၆မုဆိုးမက…မုန့်ပြားတစ်ပြားမျှမရှိ။အိုးထဲမှာမုန့်ညက်တစ်လက်ဆုပ်၊ဘူး၌ဆီအနည်းငယ်သာရှိ၏။ကျွန်မနှင့်သားငယ်အဖို့ဖုတ်၍စားလိုသောငှာလည်းကောင်း၊စားပြီးမှသေလိုသောငှာလလည်းကောင်း၊ထင်းစနှစ်ခုကိုယခုခွေပါ၏ဟု ပြန်ပြော၏။ …ထိုမုဆိုးမသည်သွား၍ ဧလိယစကားအတိုင်း ပြုသဖြင့်၊ ဧလိယနှင့်တကွ ကိုယ်တိုင်မှစ၍၊ အိမ်သားတို့သည် အင်တန်ကာလပတ်လုံးစားရကြ၏။ ထာဝရဘုရားသည် ဧလိယအားဖြင့် မိန့်တော်မူသောစကားအတိုင်း၊ အိုး၌ရှိသော မုန့်ညက်မကုန်၊ ဘူး၌ရှိသောဆီ မလျော့။)
(လုကာ၂၁:၂-၄ဆင်းရဲသောမုဆိုးမတစ်ယောက်သည်လည်း ကြေးနီဒင်္ဂါးနှစ်ပြား သွင်းချသည်ကို မြင်တော်မူလျှင်၊ငါအမှန်ဆိုသည်ကား၊ထိုဆင်းရဲသောမုဆိုးမသည်အခြားသောသူအပေါင်းတို့ထက်သာ၍သွင်းချပြီ။)
၅။အမှုတော်မြတ်မှာပါဝင်ပေးလှူလိုက်ခြင်းဟာပျက်စီးတတ်တဲ့ခေတ္တအရာကနေမပျက်စီးနိုင်တဲ့ထာဝရနေရာကိုငွေစာရင်းရွေ့လိုက်ခြင်းပါဘဲ။
(ရှင်မဿဲခရစ်ဝင်၆:၁၉-၂၀သံချေး၊ပိုးရွဖျက်ဆီး၍သူခိုးထွင်းဖောက်ခိုးယယူရာမြေကြီးပေါ်မှာဘဏ္ဍာကိုမဆည်းပူးကြနှင့်။သံချေး၊ပိုးရွမဖျက်ဆီး၍သူခိုးမထွင်းမဖောက်၊မခိုးမယူရာ ကောင်းကင်ဘုံ၌ဘဏ္ဍာကိုဆည်းပူးကြလော့။)
၆။ပေးလှူခြင်းဟာကောင်းကြီးတံခါးကိုဖွင့်တဲ့သော့ချက်ဖြစ်ပါတယ်။ပိုပေးလှူလေပိုပြီးပိုလျှံလေပါဘဲ၊ဟာလေလုယာ။
(၂ကော၉:၆အနည်းငယ်သောမျိုးစေ့ကို ကြဲသောသူသည် စပါးအနည်းငယ်သာရိတ်ရမည်။များစွာကြဲသောသူသည် များစွာရိတ်ရမည်ဟု မှတ်ကြလော့။)
(မာလခိ၃း၉-၁၀ဆယ်ဘို့တဘို့ရှိသမျှကိုဘဏ္ဍာတိုက်ထဲသို့သွင်း၍၊ ငါ့အိမ်တော်၌စားစရာရှိစေခြင်းငှါ၊ပြုကြလော့။ငါသည်မိုးကောင်းကင်ပြတင်းပေါက်တို့ကိုဖွင့်၍ကောင်းကြီးမင်္ဂလာကိုအကုန်အစင်သွန်းလောင်းမည်မသွန်းလောင်း
မည်ကို ထိုသို့စုံစမ်းကြလော့ဟု ကောင်းကင်ဗိုလ်ခြေအရှင်ထာဝရဘုရား မိန့်တော်မူ၏။)
နိဂုံး
မသိသူကျော်သွား၊သိသူဖော်စားဆိုတဲ့စကားအတိုင်းပါဘဲ၊ပေးလှူမှာနိယာမကိုမသိတဲ့အခါအမှားတွေလုပ်မိရင်းကောင်းကြီးနဲ့လွဲချော်နေခဲ့တာတွေရှိနေတတ်ပါတယ်။ယနေ့ဝေငှချက်လေးအားဖြင့်ပေးလှူမှုမှာအလင်းရပြီးကောင်းကြီးခံရသောသူများဖြစ်ကြပါစေလို့ဆုတောင်းမေတ္တာပို့ပါတယ်။ဖတ်ရှုခံယူသူအားလုံးအပေါ်ဘုရားသခင်ကောင်းကြီးပေးပါစေ၊အာမင်။