လုပ်ရမလုပ်ရဆိုင်ရာစံချိန်(၈)ချက်

လုပ်ရမလုပ်ရဆိုင်ရာစံချိန်(၈)ချက်

နိဒါန်း
ယုံကြည်သူတွေအမေးအများဆုံးကဒါစားလို့ရလား?ဒါကောလုပ်လို့ရလား?ဆိုတဲ့မေးခွန်းတွေပါဘဲ။တချို့အရာကကျမ်းစာမှာမလုပ်ရလို့တိတိကျကျသွန်သင်ထားပေမယ့်၊တချို့အရာကျတော့တိကျစွာမသွန်သင်ထားတာမို့လုပ်သင့်မလုပ်သင့်ဒွိဟဖြစ်နေရကြတာပါ။ဒါကြောင့်ယုံကြည်သူတစ်ယောက်အနေနဲ့ဘာလုပ်လုပ်၊ဘာစားစား၊ဘာ‌သောက်‌သောက်၊ဘာပြောပြော၊ဘယ်အရာတွေကလုပ်ရမလုပ်ရဆိုတာကိုစစ်‌ဆေးနိုင်ဖို့သမ္မာကျမ်းစာအရစံချိန်(၈)ချက်ကိုတင်ပြပေးလိုက်ပါတယ်။

၁။ဘုရားဘုန်းထင်ရှားစေသလား?
(၁ကော၁၀:၃၁သင်​တို့​သည် စား​သော်​လည်း​ကောင်း၊ သောက်​သော်​လည်း​ကောင်း၊ မည်​သည့်​အ​မှု​ကို ပြု​သော်​လည်း​ကောင်း၊ ဘု​ရား​သ​ခင်၏ ဘုန်း​တော်​ကို ထောက်၍ ခပ်​သိမ်း​သော​အ​မှု​ကိ​စ္စ​ကို ပြု​ကြ​လော့။)

၂။အကျိုးရှိစေသလား?
(စံမီ-၁ကော၁၀:၂၃ခပ်သိမ်း​သော​အမှု​ကို ပြု​ခွင့်​ရှိ​သည်​မှန်စေတော့။ ခပ်သိမ်း​သော​အမှု​သည် အကျိုး​ရှိ​သည်​မ​ဟုတ်။)

၃။သူတပါးကိုတည်ဆောက်ပေးလား?
(စံမီ-၁ကော၁၀:၂၄ခပ်သိမ်း​သော​အမှု​ကို ပြု​ခွင့်​ရှိ​သည်​မှန်စေတော့။ ခပ်သိမ်း​သော​အမှု​သည်တည်ဆောက်​မြှင့်တင်​ပေး​သည်​မ​ဟုတ်။မည်သူမျှကိုယ်​ကျိုး​ကို​မ​ရှာ​နှင့်။လူတိုင်းသူတစ်ပါး​အကျိုး​ကို​ရှာ​စေ။)

၄။မလုပ်မရ(ကျွန်)ဖြစ်စေသလား?
အရင့်ထစေတဲ့လုပ်မျိုး၊အလုပ်ဟာဘုရားနေရာအစားထိုးသွားတာမျိုး။（၁ကော၆:၁၂ ငါ​သည် အ​ပြစ်​မ​သင့်​ဘဲ​လျက် ခပ်​သိမ်း​သော အ​မှု​အ​ရာ​ကို ပြု​နိုင်​သည် မှန်​စေ​တော့။ ခပ်​သိမ်း​သော အ​မှု​အ​ရာ​ကို ပြု​သင့်​သည်​မ​ဟုတ်။ အ​ပြစ်​မ​သင့်​ဘဲ​လျက် ခပ်​သိမ်း​သော​အ​မှု​အ​ရာ​ကို ပြု​နိုင်​သည်​မှန်​စေ​တော့။ အ​ဘယ်​အ​မှု​အ​ရာ၌​မျှ ငါ​သည်​ကျွန်​မ​ခံ။）

၅။ဩသပ္ပစိတ်ကြည်လင်နေလား?
（ရောမ၉:၁ ငါ့​ကိုယ်​ကို​ကိုယ်​သိ​သော​စိတ်​သည် သန့်​ရှင်း​သော ဝိ​ညာဉ်​တော်​နှင့်​တ​ကွ ငါ့​ဘက်၌ သက်​သေ​ခံ​လျက်၊ ငါ​သည် မု​သား​မ​ပါ၊ ခ​ရစ်​တော်​ရှေ့၌ မှန်​ကန်​စွာ ပြော​သည်​ကား）

၆။အစိုးရဥပဒေနဲ့ညှိ‌နေလား?
(ရောမ၁၃:၁-၂အ​စိုး​ရ​သော မင်း​အာ​ဏာ​စက်၏ အုပ်​စိုး​ခြင်း​ကို လူ​တိုင်း​ဝန်​ခံ​စေ။ အ​ကြောင်း​မူ​ကား၊ ဘု​ရား​သ​ခင်၏ အ​ခွင့်​မ​ရှိ​လျှင်၊ မင်း​အာ​ဏာ​စက် မ​ရှိ။ အာ​ဏာ​စက်​ရှိ​သ​မျှ​သည် ဘု​ရား​သ​ခင် ခန့်​ထား​တော်​မူ​ရာ ဖြစ်​သ​တည်း။ထို​ကြောင့်၊ မင်း​အာ​ဏာ​ကို ဆန်​သော​သူ​သည် ဘု​ရား​သ​ခင် စီ​ရင်​တော်​မူ​ရာ​ကို ဆန်​သော​သူ​ဖြစ်၏။ ထို​သို့​ဆန်​သော​သူ​သည် ရာ​ဇ​ဝတ်​ကို ခံ​ရ​မည်။)ချွင်းချက်အနေနဲ့သမ္မာတရားကိုဆန့်ကျင်နေတဲ့အမိန့်ကိုမဆိုလိုပါ။

၇။ဘုရားနဲ့ဝေးစေသလား?
（ဟေဗြဲ၁၀:၂၅လူ​အ​ချို့​တို့၏ထုံး​စံ​ရှိ​သည်​အ​တိုင်း၊ အ​ချင်း​ချင်း စည်း​ဝေး​ခြင်း​အ​မှု​ကို မ​ရှောင်​မ​လွှဲ​ကြ​နှင့်။ အ​ချင်း​ချင်း​တို့​ကို တိုက်​တွန်း​နှိုး​ဆော်​ကြ​လော့။ ကာ​လ​အ​ချိန် ရောက်​လု​နီး​သည်​ကို ထောက်​သ​ဖြင့်၊ သာ၍ ကြိုး​စား​ကြ​လော့။)

၈။အသက်အန္တာရယ်ရှိသလား?
(မဿဲ၁၆:၂၆လူ​သည် ဤ​စ​ကြ​ဝ​ဠာ​ကို အ​ကြွင်း​မဲ့​အ​စိုး​ရ၍ မိ​မိ​အ​သက်​ဝိ​ညာဉ် ရှုံး​လျှင် အ​ဘယ်​ကျေး​ဇူး​ရှိ​သ​နည်း။ မိ​မိ​အ​သက်​ဝိ​ညာဉ်​ကို အ​ဘယ်​ဥ​စ္စာ​နှင့် ရွေး​နိုင်​သ​နည်း။)

နိဂုံး
ယုံကြည်သူတိုင်းဒီအချက်(၈)ချက်ကိုစွဲကိုင်ပြီးဘာလုပ်လုပ်ချင့်ချိန်လို့ရပါမယ်။